Bul týraly Óńirlik komýnıkasıalar qyzmeti alańynda ótken brıfıńte Alataý aýdanynyń ákimi Shahmerden Ryspaev sóz etti dep habarlaıdy Qamshy.kz aqparat agenttigi. 

Aýdan basshysynyń sózine súıensek, «Nurkent» yqshamaýdanynda 600 orynǵa arnalǵan jańa mektep salynýda, sondaı-aq, aýdannyń 6 mektebine qosymsha ǵımarat salý jumystary júrgizilýde. Olar: «Shańyraq-2» yqshamaýdanyndaǵy №26 mektepke 1100 orynǵa qaıta qurylymdaý jumystary júrgizilýde, qurylys jumystary aıaqtalǵannan soń atalǵan mekteptiń syıymdylyǵy 2100 oryndyq bolady, «Zará Vostoka» yqshamaýdanyndaǵy №151 mektepke 650 oryndyq qosymsha ǵımarat salynýda, «Ójet» yqshamaýdanyndaǵy №156 mektepke 600 oryndyq, «Terekti» yqshamaýdanyndaǵy №184 mektepke 600 oryndyq, «Alǵabas» yqshamaýdanyndaǵy №185 mektepke 550 oryndyq qosymsha ǵımarattar salynýda, jalpy bólingen qarajat somasy 5 mlrd., 265 mln. teńge.

Sonymen qatar, aýdan basshysy 4 jańa balabaqshanyń qurylysy júrip jatqanyn habarlady. Olar: «Alǵabas» yqshamaýdanynda 120 oryndyq, «Terekti» yqshamaýdanynda 120 oryndyq, «Nurkent» yqshamaýdanynda 320 oryndyq, «Saıaly» yqshamaýdanynda 320 oryndyq balabaqshalar, jalpy bólingen qarajat somasy 2 mlrd., 781 mln. teńge. Halyqty baspanamen qamtamasyz etý maqsatynda, «Saıaly» yqshamaýdanynda 19 kóp qabatty, «Nurkent» yqshamaýdanynda 22 kóp qabatty turǵyn úıler salynýda, Momyshuly kóshesiniń boıynda jeke ınvestısıa esebinen 87 turǵyn úıdiń 10-y salyndy, 24 úıdiń qurylysy júrgizilýde, - dep sózin qorytyndylady aýdan ákimi.