Birqatar qazaqstandyq ınternet-resýrstarynda «Halykcoin – alǵashqy halyqtyq krıptovalúta» shyǵarylǵany týraly jarıalanymdar shyǵýyna baılanysty «Qazaqstan Halyq Banki» AQ (budan ári - bank), Halyk / Halyq saýda markasynyń zańdy quqyq ıesi retinde, bul jańalyq boıynsha túsinik berý qajet dep sanaıdy.

Banktiń bul ónimdi ázirleýge eshqandaı qatysy joq jáne de ózderin osy krıptovalútany ázirleýshimiz dep atap júrgen tulǵalarǵa óziniń saýda markasyn qoldanýǵa ruqsat bermegen. Sondyqtan da, bank osy qarjy quralǵa  jasalatyn kez kelgen ınvestısıalardyń qaýipsizidigi men paıdalylyǵyna qatysty eshqandaı kepildik bermeıdi.

Bank «jobanyń resmı saıty» retinde berilgen resýrs www.halykcoin.org ınternet-resýrsy sheteldegi belgisiz tulǵaǵa resimdelgenin barlyq múddeli tulǵalardyń nazaryna jetkizýdi óz boryshy dep sanaıdy, bul jaǵdaı ázirleýshilerdiń jobanyń tıisti ashyqtyǵyn qamtamasyz etýge mundaı nıeti kúdik týdyrady. Odan bólek, www.halykcoin.org ınternet-resýrsy jasyryn bolýyna baılanysty fýnksıonaldyń basym bóligi jumys jasamaıdy, ol alaıaqtyqtyń joǵary yqtımalyn bildiredi.

Yqtımal alaıaqtyq áreketterdi boldyrmaý jáne Halyk/Halyk saýda markasyna óziniń zańdy quqyqtaryn qorǵaý maqsatynda bank  óz quqyǵy men múddelerin qorǵaý úshin memlekettik organdarǵa júginý quqyǵyn ózine qaldyrady.

Aıtylǵan derekterdi eskere otyryp, jáne de óz klıentteri men Qazaqstan azamattaryn yqtımal qarjylaı zalaldardan arashalaý nıetimen osyndaı sıpattaǵy kez kelgen habarlandyrýlarǵa saq bolýǵa shaqyrady. Osy naryqtyń joǵary qubylmalylyǵyn, naqty aktıvtermen qamtamasyz etilmeýin, sondaı-aq Qazaqstan aýmaǵynda krıptovalútalar aınalymy úshin normatıvtik-quqyqtyq bazanyń bolmaýyn eskere otyryp, Bank krıptovalútalarmen jasalatyn kez kelgen operasıalardy joǵary táýekeldi dep baǵalaıdy.