1982 jyly Batyrhan Shýkenov saksofonshy retinde «Araı» tobynyń quramyna kiredi. Bul toptyń negizin Qazaqstannyń halyq ártisi Roza Rymbaeva qalaǵan. «Araı» tobymen qatar, Batyrhan Shýkenov óziniń jeke shyǵarmashylyǵymen aınalysyp, tipti 1983 jyly Búkilodaqtyq festıváldiń laýreaty atandy. Osylaısha ózin kásibı saksafonshy retinde tanytady. 1985 jyly konservatorıany aıaqtap, ózin ánshi retinde synady. 1987 jyly top Roza Rymbaevadan ketýdi sheshedi. Toptyń atyn «Alma-Ata Stýdıo» dep ózgertedi. Batyrhan Shýkenov toptyń frontmeni atanady. 1989 jyly top alǵashqy «Djýlıa» atty hıt ánin jazady. Toppen Alla Pýgacheva tanysady jáne birden óziniń án teatryna shaqyrady. Keıinnen Alla Pýgachevanyń keshinde án shyrqaǵannan keıin «A-Stýdıo» tobyn búkil el tanıdy. Osydan top jańa án, jańa beınebaıan, jańa álbom jazady. Alaıda 11 jyldan keıin Batyrhan Shýkenov jeke ánshilikti qolǵa alady. REAL Records kompanıasymen kelisim shartqa otyryp, Pavel Esenınmen jumys jasaıdy. Jańadan «Dýsha» atty ánine beıneklıp túsiredi. Biraq túsinispeýshilikterge baılanysty beınebaıan jaryq kórmeıdi. Osydan keıin Batyrhan Shýkenov Qazaqstanǵa oraldy. 2002 jyly óziniń alǵashqy «Otan ana» 2013 jyly «Dýsha» atty álbomdaryn shyǵardy.

«Múzıkola» toby 1993 jyly quryldy. Top evro-pop stılde óner kórsetýdi jón kórdi. 1996 jyly top alǵashqy «Devochka v platıse belom» atty álbomynyń jumysyn bastaǵan. Álbom sol jyldyń aıaǵynda, «Polygram-Russia» kompanıasynyń qoldaýymen shyqty. Oǵan 10 án kirdi. 2003 jyly dúkenderde toptyń «Mejdý Almatoı ı Moskvoı», 2004 jyly «Gorkıı shokolad», 2007 «Pevısa ı saksofon», 2008 jyly «Kak vsegda» atty álbomdary shyqty. Qazir toptyń repertýarynda 100 astam án bar. Bolat pen Karınany Qazaqstanmen qatar, Qyrǵyzstan, Reseı, Ispanıa, AQSH elderinde qushaq jaıa qarsy alady.

«Al Davaı» toby 1998 jyly Almaty qalasynda qurylǵan. Joba elimizdegi shoý-bıznestiń tarıhyndaǵy  jigitterden quralǵan eń  tanymal toptyń biri boldy. 2000 jyly eń bedeldi toptardyń biri sanaldy. 10 álbom,  10 beıneklıpteri bar. Sondaı-aq, «Al Davaı» toby «Zolotoı dısk», «Golosýı strana» jáne birneshe án baıqaýdyń laýreaty atanǵan.

Top 15 jyldan astam ýaqyt boıy elimizdegi ataqty eń alǵashqy boızbendterdiń biri. 15 jyl estradamyz úshin úzdik kórsetkish. Mýzykalyq toptyń quramynda alǵash Jaqsybekov Tımýr, Abenov Edil, Ózbekov Danıar, Shoqan Maratuly syndy azamattar óner kórsetken. Bul azamattardyń bári bıshi jáne birneshe baıqaýlardyń jeńimpazy bolǵan.

2002 jyly «Golosýı strana» baıqaýynda «Jyl hıty» nomınasıasyna ıe boldy. 2005 jyly jigitter prodúseri Marlennen ketedi. 2013 jyly topqa 15 jyl toldy. Osy oraıda top Máskeýde jańa álbom jazdy.

Topqa «Al Davaı» ataýyn burynǵy prodúseri Marlen Nurmaǵambetov bergen. Bulaı atalý sebebi, Reseıde «Polnyı vpered» atty top bolǵan, osy topqa uqsatyp «Al Davaı Dıskoteka» dep atady, keıinnen qysqartyp «Al Davaı» dep qoıdy.

Murat Nasyrov mýzykalyq ýchılısheniń vokal bóliminde bilim alǵan. «Ialta-91» baıqaýynda bas júldege ıe bolǵan. Oǵan Igor Krýtoı birge jumys jasaýǵa usynys bildiredi. Alaıda Murat kelispedi. Sebebi kelisse, óziniń jeke ánderin aıta almaımyn degen oıda bolady. 1995 jyly Murat Nasyrov ánderin «Soıýz» stýdıasyna ákeledi. Ánshiniń daýsy prodúserlerge unap, «Eto lısh son» atty sıngl jazady. «Shag» áni radıoefırdiń hıtyna aınaldy. 1996 jyly Alena Apınovanyń kúıeýi birge jumys jasaýǵa usynys bildirgen. Murat pen Alena birge gastroldik saparǵa shyǵady. 1999 jyly ánshi aǵylshyn tilinde án aıta bastaıdy. 2002 jyly «Razbýdı mená» atty álbomy jaryq kórgen. Álbomdaǵy birinshi án uly Akım Nasyrovqa arnap jazylǵan. 1997 jyly «Zolotoı gramofon» syılyǵyna ıe bolady.

2007 jyly 37 jasynda Máskeýdegi úıiniń terezesinen qulap qaıtys boldy. Oqıǵanyń negizgi sebebi tolyq ashylmady. Almaty qalasynda jerlendi.

Nurlan Abdýllın Almaty qalasynda dúnıege kelgen. Arhıtektýra ınstıtýtynyń túlegi. Kishkentaı kúninde  ushqysh bolýdy armandaǵan. 35 jasynda bıznesin tastap, ónerge aıaq basady. Sol sátten bastap óziniń naǵyz qalaýyn tabady. Áskerde júrgende án aıtyp júrip, arnaıy oqý oqymasa da, myńdaǵan adamnyń júreginen oryn alǵan. Nurlan Abdýllınniń án qorjynynda birneshe án jáne 8 álbomy bar. Ánshi óziniń jeke ómiri jaıly halyqqa aıtýdy unatpaıdy. Biraq jary jáne uly, eki qyzy bary belgili.

Parvız Nazarov Máskeýde dúnıege kelgen. Dýshanbe qalasynda balalyq shaǵyn ótkizgen. Negizgi mamandyǵy boıynsha sýretshi. Eki jyl «Tadjıkfılm» kınostýdıasynda mýltıplıkator qyzmetin atqarǵan. 1993 jyly Almaty qalasyna kelgen. Keıin jeke ánshi retinde tanyla bastady. «Belye oblaka», «Kresnaıa mat», «Bereg», «Devochka moıa» sıaqty birneshe án jazdy. 1994 jyly Parvız ben Sıtora dýet qurdy. Dýet eki jyl birge óner kórsetti. Keıinnen ekeýi jeke ánshi retinde bólek shyqty. 2010 jyly Parvız «Ia ne ýmeıý ıgrat na gıtare» atty án jazdy. Artynsha bul án hıtqa aınaldy.

«Rahat Lýkým» toby shoý-bızneske kele sala, ózindik ornyn aldy. Alǵashqy álbomdary dúkenge satylymǵa shyqqan kezde, birden satylyp ketken. Keıinnen toptyń alǵashqy quramynan Dana ketkennen keıin, artynsha Ksúsha da ketedi.  Ksúsha jeke ánshi retinde Xenia degen atpen shyqty. Al topqa Nurǵaısha jáne Kámshat esimdi eki qyz keldi. Jańa quramnyń «Tansy s tenú» atty beıneklıpy birden kópshilikke unady. Nurǵaısha skrıpkada oınap, topqa jańasha stıldegi ánder jazdy. Keıinnen Nurǵaısha «Ulytaý» tobynyń múshesine aınaldy. Osyndaı ózgeristerden keıin topta Lenara, Iýlıa, Xenon atty qyzdar óner kórsetti.

Rahat Turlyhanov án aıtýdy kishkentaı kúninen bastaǵan. 1999 jyly 10 jastaǵy «Bolashaq» mektebiniń oqýshysy «Zolotoı dısk» baıqaýynda «Jyldyń úzdigi» nomınasıasyna ıe boldy. 2000 jyly ánshi alǵashqy «R.A.M.A.N» degen ataýmen álbomyn shyǵardy. Álbomnyń tusaýkeseri Máskeý jáne Almaty qalalarynda ótti. Ónerge kelgeli bir jyl ishinde Rahat Reseı, Bishkek, Tashkent qalalarynda júzden asa jeke án keshin berip úlgergen. 2001 jyly «A1» mýzykalyq arnasy ánshini «Úzdik ánshi» atady. Al «Zolotaıa moneta» beıneklıpi «Jyldyń úzdik beıneklıpi» ataǵyna ıe boldy. 2003 jyly «Golosýı strana» án baıqaýynda «Úzdik er ánshi» atandy. «Júrek úni» áni úzdik ánderdiń úshtigine kirdi.

«AVK» toby áli kúnge qazaqstandyqtardyń júreginde erekshe saqtalǵan. Topty kópshilik amerıkalyq «Boyz II Men» tobymen salystyrǵan. Alaıda Erlan Kókeev bul oımen kelispeıdi. «Biz úsheýmiz úsh túrli janrdy unattyq. Qydyráli halyq ánderin, Medeý klasıkany, al men jazdy unattym. Osydan jaqsy top quryldy. 2002 jyly men alǵa qaraı jyljý kerek ekendigin túsindim jáne toptan kettim. Keıinnen Medeý men Qydyráli dýet bolyp óner kórsetip júrdi. Biraq sosyn top tarady», — deıdi Erlan Kókeev.

«ULYTAU» toby 2001 jyly qurylǵan. Top «AVK» tobynyń prodúseri Qydyráliniń bastamasymen jınalǵan. Bul top ózge toptardan erkshe boldy. Olarǵa uqsas top bolmady. Top músheleri Qurmanǵazy, Táttimbet, Dáýletkereı, Paganın, N.Tilendıev sıaqty uly tulǵalardyń ánderin shyrqaǵan. Dombyra, skrıpka, gıtaramen top músheleri óner kórsetedi jáne toptyń basqalardan basty ereksheligi osynda. 2001 jyly Gollıvýdta ótken jas mýzykanttar baıqaýynda bas júldeni ıelenip, altyn medal aldy.

 Qaırat Nurtas Túrkistan qalasynda dúnıege kelgen. Alǵash sahnaǵa on jasynda Baıqońyr qalasynda shyqqan. Sol kezdiń ózinde birneshe ataqty óner adamdarymen jumys jasaǵan. Ánshiniń prodúseri, menedjeri, jetekshisi óziniń anasy Gúlzıra Aıdarbekova. Anasynan bólek alǵash óner jolyna aıaq basqanda M.Bespaev, N.Ónerbekov, T.Serikov sıaqy sahnadaǵy áriptesteri qoldaý kórsetken. 18 jasynda jas ánshi alǵash ret Shymkentte án keshin bergen. Kesh kórermenderi búkil zaldy alǵan. Sonymen qatar týǵan kúninde án keshin berý ánshi úshin ádetke aınalǵan. Kóptegen óner juldyzdarymen birge dýette de óner kórsetip júr. Jastyǵyna qaramastan qazirgi tańda 3 balanyń ákesi.

«Nurlan men Murat» toby 1996  jyly Atyraý qalasynda quryldy. Topty alǵashynda kópshilik úzdik top dep baǵalady. Alǵash ret ánderinde qazaqsha rep aıtty jáne «Qyz Jibek» operasyndaǵy «Gákký» arıasyn qosqan. «Mahabbat» atty áninen keıin «Leıla» atty ánderi jaryq kórip, dýet endi pop-formatqa kóshedi. «Juldyzym» beınebaıany kópshiliktiń kóńilinen shyqty.

«MýzART» toby 2001 jyly qurylǵan. Toptyń ánshileri Meırambek Bespaev, Sáken Maıǵazıev, Kenjebek Janábilov. Bir-biriniń talantyn baıqaǵan jigitter top qurýdy jón kórdi. Búginde elimizde trıolar óte kóp. Alaıda bul top estradadan ózindik erekshe ornyn taba bildi. Qurylǵan jyldyń ózinde topty túrli keshterge, baıqaýlarǵa jıi shaqyrǵan. N.Ábishuly jazǵan «Úsh qońyr» ánin jigitterge aıtýǵa senip tapsyrǵan. 2003 jyly top «Óz elim» atty án keshin berdi. Qazaqstannan bólek, shet elderde de án keshterin bergen. 2006 jyly Túrkıanyń Stambýl jáne Ankara qalalarynda ótkizgen. 2008 jyly tyńdarmannyń suranysy boıynsha elde jeke keshterin ótkizdi.

«Jigitter» kvarteti 2003 jyly tórt jigitten quralǵan top. Prodúserleri Erǵalı Abdraımovtyń arqasynda jigitter birinshi jyldyń ózinde «Araı 2003», «Meniń Qazaqstanym» sıaqty án baıqaýlarǵa qatysqan. 2004 jyly alǵashqy «Erke qyz» atty beınebaıany jaryqqa shyqty. 2006 jyly Almatyda alǵashqy jeke án keshterin berdi. Biraz ýaqyttan soń «Baqytty bol» atty ekinshi álbom jazyp shyqty. Toptyń birinshi quramynda Ersinbek Baıjanov, Erdos Qanaev, Erkin Nurjanov, Baǵlan Abdraımov syndy jigitter boldy. Erkin Nurjanov keıinnen jeke óner kórsetýge bel býdy. Onyń ornyna Myrzahan Mahanov keldi. 2011 jyly top birden eki álbom shyǵardy.

«Urker» toby 1994 jyly Almaty qalasynda quryldy. Top etno-pop stılde óner kórsetedi. Birneshe ret Germanıa, Fransıa, Túrkıa, Reseı elderinde  án baıqaýlarda baq synaǵan. Toptyń «Naýryz», «Týǵan jer», «Án meken», «Týǵan elim», «Janym», «Perishte», «Mahabbat áni» sıaqty ánderi tanymal boldy. 2004 jyly «Urker» toby onjyldyq án keshterin berdi. Topta ol kezde 5 álbom, 17 beıneklıpi boldy. Top «Azıa daýsy», «Jas Qanat» baıqaýlarynyń laýreaty. Germanıa, AQSH, Gonkong, Túrkıa, Túrikmenstan, Reseı elderine gastróldik saparlarda bolǵan. Sonymen qatar, Almaty qalasynda «Urker» tobynyń atymen  kóshe berilgen.

«Orda» toby  2000 jyly qurylǵan. Sebebi dál osy jyly aǵaıyndy Orazbekovter men aǵaıyndy Bedelhandar birge «Baýyrjan shoý» teatrynda óner kórsete bastaǵan. Alǵash 9 mamyrda respýblıka saraıynda «Belgisiz jan» jáne «Mahabbatym» ánderimen sahnaǵa shyqqan. 2002 jyly top teatrdan jeke shyǵyp, bıleıtin jáne án aıtatyn top retinde qurylǵan. Osy jyly «Kesh meni» atty ánderi jaryq kórgen. 2003 jyly «Orda» birinshi beıneklıpterin túsirý úshin Tashkenttegi «Ózbekfılm» kınostýdıasyna attanǵan. Jańa beınebaıan barlyq mýzykalyq arnalardan kórsetilip, jaqsy nátıjege ıe boldy. «Kesh meni» beınebaıanynyń jetistiginen keıin topqa Alýa Qonarova eki jyl prodúserlik etedi. Top Qazaqstanda tanymal boldy. 2004 jyly top Bangormen tanysyp, jeke stýdıa ashqan. Osy stýdıadan alǵashqy álbomdaryndaǵy ánderin jazdy. Keıinnen jigitterge án jazýda tanymal Baǵym hanym kómektesken. 2005 jylǵy Shymkent qalasyndaǵy konsertten keıin topqa «Shymkent pıvo» kompanıasynyń dırektory Toqtar Týleshev qyzyǵýshylyq bildiredi jáne resmı túrde prodúseri bolady. Jańa prodúsermen top Almatydaǵy stýdıanyń apparattarymen Máskeýde án jazyp, beıneklıp túsirýge attanady. 2007 jyly top «Qıly zaman», «Jam on» atty ánderine Máskeýde klıp túsirgen. Osy jyly toptaǵy Dastan Jannat atty qyzben, al Erbolat Asyl atty qyzben otaý qurdy.

«Motor-Roller» toby shyǵarmashylyǵyn 1993 jyly Almaty qalasynan bastady. Toptyń negizin Ilás Aýtov qalaǵan. 2004 jyly «Ot Bıshkeka do Alma-Aty» ánine túsirilgen anımasıalyq vıdeolary Búkilálemdik anımasıalyq fılmder festıvalinde negizgi júldelerdiń birine ıe boldy. 2006 jyly «Hronıka predskazannogo snovıdenıa» atty fılm túsirdi. 2007   jyly fılm BBC telearnasynan kórsetildi. 2006 jyly «Motor Roller» Vladımır Shahrınmen birlesip «Ýtro v derevne» kompozısıasyn jazady. Keıinnen beıneklıp Reseıdiń telearnalarynan kórsetildi. Sonymen qatar, 2009 jyly «Pesná o voıne» ánine beıneklıp túsiredi.  Artynsha án orys, aǵylshyn, ýkraın tilderine de aýdaryldy. 2010 jyly top nemistiń «Die Toten Hosen» tobymen Almatyda án keshin berdi.

1991 jyly Kırıll Lı «Mılashka-maloletka», «Poıdem so mnoı», «Podrýga», «Karına», «Tam» sıaqty birneshe hıt ánder shyǵardy. Kóptegen hıt ánderi úshin Kırıll «Qazaq estradasynyń generaly» atandy.  Alaıda 2002 jyly televıdenıeden kórinbeı ketti.

«Tristar» toby 1998 jyly Dr.Fox atymen tanymal Sergeı Chık, Inga Rýff, Alına alǵashqy «Ýhodı» atty ánin jazǵan kezden jumysyn bastady. Sergeı Chıktiń aıtýy boıynsha toptyń aty koreı tilinen alynǵan jáne kerek jerde, kerek ýaqytta degen maǵynany bildiredi.  1998 jyly top Aııa atty dens-klýbta jeke konsertterin berdi. Osydan keıin toptyń jumysy qyza tústi. Inga men Alına burynǵy jumystaryn tastap, tolyqtaı ónerge bet burdy. «Tristar» toby AMM prodúserlik ortalyǵyna keledi. Keıinnen «Angel» atty ánine beınebaıan túsirgen. Ol beıneklıp MTV arnasynan da kórseilip júrdi. 1999 jyly alǵashqy «Igra» atty álbomy jaryq kórdi. Artynsha toptan Alına ketti. Ornyna Iýlá Romanova keldi. 2000 jyly sáýir aıynda top jańa qurammen shyqty.

Aleksandr Soı avtor, ánshi, «Tango» tobynyń jetekshisi. Onyń «Gýlá», «Dınara», «Naklonnyı gorod», «Salo» atty ánderi tanymal boldy. 1997 jyly «Habar» agenttiginiń usynysymen «Dınara» atty áni «Jyldyń úzdik balalar áni» atandy. 1997 jyly «Naklonnyı gorod» áni Respýblıka boıynsha Almaty jaıly jazylǵan úzdik án atanyp, bas júldege ıe boldy.

Baistars.kz