Aldaǵy úsh kúnde, 18-20 qańtar aralyǵyna Qazaqstannyń basym bóliginde Sibir antısıklonynyń áseri baıqalady. Nátıjesinde qar jaýmaıdy, biraq tuman túsip, aıaz kúsheıedi, dep habarlaıdy Qamshy.kz aqparat agenttigi Kazgıdrometke silteme jasap.

Troposferalyq aǵyndar baǵytynyń ózgerýine baılanysty kópjyldyó kórsetkishke jýyq deńgeıde  aýa temperatýrasynyń qysqa merzimdik joǵarylaýy kútiledi.

19 qańtarǵa Qazaqstan aýmaǵy boıynsha aýa temperatýrasy:

— Batysta túnde 10-15 gradýs sýyq, keı jerlerde 20-25 aıaz, kúndiz 0-5, keı jerlerde mınýs 8-13 gradýs.

—Soltústikte túngi temperatýra 15-29 gradýs aıaz, kúndiz 8-17 shamasynda sýyq kútiledi.

—Qazaqstannyń ortalyǵynda túnde 13-18, keı jerlerde 23-28 gradýs aıaz kútiledi. Kúndizgi temperatýra -7 -12, keı jerlerde 16 gradýs sýyq.

—Shyǵysta túnde 18-23, keı jerlerde 30-35 gradýs aıaz bolady, kúndiz 10-15, keı jerlerde 20-25 gradýs  aıaz. - Ońtústik aımaqtarda túngi aýa temperatýrasy 5-10, keı jerlerde 17-22 gradýs aıaz bolady, kúndiz 2-7, keı jerlerde 5-10 gradýs sýyq kútiledi.

19 qańtarda Astanada kóshpeli bult bolǵanmen qar jaýmaıdy. Jeldiń jyldamdyǵy 5-10 m/s. Túnde aýa temperatýrasy 20-22 gradýsqa tómendeıdi, kúndiz 13-15 gradýs sýyq. Almatyda 19 qańtarda bultty, keı jerlerde jaýyn-shashynsyz, keıde tuman kútiledi. Jel 0-5 m / s. Túnde aýa temperatýrasy 7-9 gradýs aıaz, kúndiz 0, mınýs 2 gradýs bolady