«Toqal dese, báıbisheniń berekesi ketedi» degendeı, bul sóz qazirgi zamanda áıelderdiń qulaǵyna túrpideı tıetini ras. Kóp talqyǵa salynyp jatqan da – osy taqyryp. «Ózbek baıysa, tam salady, qazaq baıysa, qatyn alady» demeı me qazaq! Toqal alý jalqy otbasylyq máseleden jalpy áleýmettik máselege aınalyp barady. Er azamattardyń keıbiri toqal alǵanyn jasyrsa, keıbiri ashyq aıtady. Qamshy.kz aqparat agenttigi toqaly bar áıgili adamdardy oqyrman nazaryna usynbaq.

Bekbolat Tileýhan

Belgili qoǵam qaıratkeri, jyrshy, ánshi Bekbolat Tileýhannyń toqaly bar. Ol óziniń tórt áıeli baryn jasyrmaıdy. Kez kelgen suhbatta, kez kelgen baǵdarlamada ashyq aıta beredi. Bekbolat Tileýhannyń aıtýynsha, toqal alýyn anasy qalaǵan eken. «Toqal alý degen sóz – 18 jastaǵy qyzdy emes, jesir qalǵan áıeldi alý. Toqal alý sharıǵatqa qarsy dúnıe emes» degen pikirde. Qazir 11 balasy bar.

Dosqan Joljaqsynov

Áıgili akter Dosqan Joljaqsynov ta toqal alǵan desedi. Jelaýyz jurttyń sózine sensek, onyń ekinshi áıeli – aktrısa, telejúrgizýshi Qaragóz Súleımenova. Biraq Súleımenovanyń ózi akterdiń toqaly ekenin moıyndaǵan joq. 

Jarylqasyn Dáýlet

Tanymal sazger Jarylqasyn Dáýlet eki áıelimen bir shańyraq astynda turyp jatyr. Onyń úsh qyzy, bir uly bar. Óziniń aıtýynsha, jalǵyz uldyń artynan inileri ere bersin degen nıetpen toqal alǵan. Sazger ekinshi jaryna úılený úshin úıdegi báıbishesimen aqyldasýdy artyq sanaǵan. Ekinshi áıeli ózinen 30 jas kishi ekennin de, nekesin qıdyryp, keıin aýylda toı jasaǵanyn da jasyrmaıdy. Qazir osy toqalynan Muhammed atty ul súıip otyr.

Altynbek Qorazbaev

Tanymal ánshi Altynbek Qorazbaevtyń toqaly bary jalpaq jurtqa belgili jaıt. Sandýǵash búginde úlgili ana atanǵan. «Qazaq áıelderine tán qasıet – bala tárbıelep úıde otyrý» dep túsinetin Sandýǵash otbasy úshin ónerin qurban etip, Altynbektiń shańyraǵyn gúldendirip otyr.

Toqtar Tóleshov

Burynǵy «syra patshasy» Toqtar Tóleshov te bir áıeldi qanaǵat qylmapty. Onyń toqaly bolǵan Dına Nuralıeva 2005 jyly «Qazaqstan arýy» ataǵyn ıelengen. Boıjetken bul kúnde dızaınerlik qyrynan tanylyp júr. Shymkent qyzy 2009 jyly ótken «Álem arýy» baıqaýynda úzdik 16 arýdyń tizimine kirgen. Dına – «Shymkent arýy» baıqaýyn uıymdastyratyn sán agenttiginiń dırektory. Qazirgi kúıeýi – kásipker, kishkentaı qyzy bar.