Forbes jýrnaly álemdegi eń baı adamdardyń tizimin jarıalady. Onyń ishinde qazaqstandyqtar da bar dep habarlaıdy Qamshy.kz aqparat agenttigi.

2018 jyldaǵy álemdegi eń baı adamdardyń reıtıńisinde 779-shy oryndy Tımýr Qulybaev pen Dınara Qulybaeva aldy. Osylaısha olar Qazaqstandaǵy eń baı adamdar dep tanyldy. Byltyr otbasyly jup 973-shi orynda bolǵan. Árqaısysynyń qarjy qory 1,1 mıllıarda dollarǵa artyp, 2018 jyly 3,2 mıllıarda dollarǵa jetti.

Vladımır Kım 3,1 mıllıard dollarmen 776-shy orynǵa turaqtady. Ol bir jylda bir mıllıard dollarǵa baıyǵan. Mıllıarder byltyr Tımýr men Dınara Qulybaevtarmen 973-shi oryndy bólisken.

924-shi orynǵa 2,6 mıllıard dollarmen Bolat Ótemuratov jaıǵasty. 2017 jyly bıznesmen  2,3 mıllıard dollarmen 896-shy orynda bolǵan.

Qazaqstandyqtardyń arasynda kóshbasshy bestikti 2,3 mıllıard  dollarmen Alıdjan Ibragımov támamdaıdy. Byltyr kásipker 1,9 mıllıard dollarmen 1098-shi orynda bolǵan.

Byltyr Qazaqstandaǵy mıllıarderler 3,9 mıllıard dollarǵa baıydy. 2016 jyly qazaqstandyq kásipkerler 1,5 mıllıard dollar joǵaltqan bolatyn.