«ÚnsizQalma» qozǵalysynyń negizin qalaýshy Dına Smaılova 9 jasynda zorlanǵan Almaty oblysy turǵynynyń jantúrshigerlik oqıǵasyn jarıalady dep jazady Qamshy.kz aqparat agenttigi.

«Búgin 9 jasynda týysqany zorlaǵan qyzdyń apasy keldi. Onyń aıtyp bergen oqıǵasy meni qatty tańqaldyrdy. Bul – óte qorqynyshty jaǵdaı. Oqıǵada aıtylǵan esimderdi atamaı-aq qoıǵanym durys bolar. Bul – shynaıy aqparat. Ony bári bilýi kerek dep oılaımyn», - dep jazady Dına Smaılova.

Zardap shekken qyzdyń apasynyń aıtýynsha, onyń áke-sheshesi eki ret aırylysyp, eki ret qosylǵan.

«Men olarmen jıi kórispegendikten, nemeremdi de sırek kóretinmin», - deıdi ol.

2014 jyly nemeresi apasynan ózin alyp ketýin suraǵan. Óziniń jasynan kishkentaı kórinetin qyzdyń denesinde kógergen izder, jaralar boldy. Tún ishinde jylap, bireýmen tóbelesip, shoshyp oıanatyn boldy», - deıdi qyzdyń apasy.

Atasy men apasy nemeresiniń densaýlyǵyn qalpyna keltirý maqsatynda azyq-túlik, paıdaly vıtamınder berip, barynsha  qamqor bolýǵa tyrysqan. Ókinshke qaraı, jetkinshek qyz eshqashan saýda-oıyn-saýyq ortalyqtarynda bolmaǵan, eshqashan ózine kıim tańdap kórmegen. Arada biraz ýaqyt ótkende qyz qatty aýyra bastaǵan. Apasy ony gınekolog dárigerge qaratqan. Sol kezde qyz jylap, óziniń basynan ótkenin baıandap bergen. 9 jasynda zorlanǵanyn dárigerdiń kózinshe aıtqan. Dáriger qyzdy tekserip, onyń sózin rastaǵan.

Apasy kelinin shaqyryp, oǵan bárin aıtyp bergende qyzdyń anasy esh tańqalmapty. Osy kezde qyzdyń apasy zorlaý faktisi boıynsha polısıaǵa jáne ata-ana quqyǵynan aıyrýǵa sotqa aryz bergen.

Qyz kóptegen aýrýǵa shaldyqqandyqtan, onyń jatyryn aldyrý qaýpi týyndaıdy. Reseı mamandary qymbat ári uzaq ýaqyt júrgiziletin medıkamentozdyq em qabyldaýdy usynǵan. Ázirge eshqandaı ota jasalmaǵan.

«Zorlanǵan qyz 10 jasynan bastap anasyna qatty aýyryp júrgenin aıtqan. Dárigerler ÝDZ jasatyp, gınekologqa qaralýǵa keńes bergen. Alaıda anasy olardyń usynystynan bas tartqan eken. Soǵan qaraǵanda, qyzynyń basnynan ótken jaǵdaı týraly dárigerler bilse, shý shyǵarady dep oılaǵan bolýy kerek. Al bala bolsa tórt jyl boıy osy aýyrsynýǵa tózip kelgen», - deıdi qozǵalys jetekshisi.

Qyzdyń aıtýynsha, anasy oǵan dári egip uıyqtatyp tastaıtyn. Kelesi kúni: «Túnde ne bolǵany esińde bar ma?», - dep suraıdy eken. Qyzdyń esine qalǵany – anasy ony belgisiz páterlerge aparatyn. Sol páterlerde ol qyzyna er adamdarǵa araq quıǵyzǵan. Al úıde anasynyń inisi men ákesi, ápkesi men onyń kúıeýi birge turǵan. Barlyǵy ashshy sýǵa qumar bolsa kerek.

Qyzdyń aıtýyna qaraǵanda, ony 9 jasynda naǵashy atasy zorlaǵan. Eski saraıǵa aparyp, aıaq-qolyn baılap tastaǵan eken. Sol oqıǵadan keıin ony baılanǵan kúıi saraıda qaldyryp ketken. Úıine álsirep, áreń jetken qyz anasyna denesindegi qannyń izderin kórsetip, bárin aıtyp bergen. Alaıda onyń anasy qyzyna bul oqıǵa jaıly eshkimge tis jarmaýdy. Tipti, qyzdy anasynyń inisi de zorlmaq bolǵan eken. Alaıda anasynyń ápkesi kelip, arasha túsken. Sondaı-aq naǵashy atasy da, qyzdyń aıtýyna qaraǵanda, onymen birge uıyqtap, túrtpektep, tıisip júrgen.

Polısıa bul isti úsh ret jaýypty. Qyzǵa alty ret saraptama jasaǵan, tergeýden ótken. Qyzdyń apasy nemeresine qamqorshy bolǵan.

«Polısıa qyzdyń jaýabyn jetkiliksiz dep eseptep otyr, al psıhologıalyq saraptama qyzdyń aıtqandary oıdan shyǵarylmaǵan degen toqtamǵa kelip otyr. Tergeýshi kúdiktige jasalatyn psıhologıalyq saraptamany boldyrtpaı tastaǵan. Qazir is Zaǵıpa Balıevanyń baqylaýynda. Biz hat pen qujattardy onyń atyna jiberdik. Olar, tıisinshe, Bas prokýratýraǵa joldanǵan, endi egjeı-tegjeıli tergeý júrgiziledi», - dedi Dına Smaılova.