Qazir Astanadaǵy Keruen saýda ortalyǵynda Búkilálemdik aýtızm máselesi týraly aqparat taratý kúnine oraı qaıyrymdylyq naýqany ótip jatyr. Onyń maqsaty – aýtızm problemasy bar ekenin barynsha nasıhattaý. Bul týraly «Bolashaq» korporatıvtik qorynyń dırektory Dınara Shaıjúnisova málimdedi, dep habarlaıdy Qamshy.kz aqparat agenttigi.
Aýtızmi bar 50-den asa balanyń ata-analary, psıholog-pedagogıkalyq túzetý kabınetteriniń (PPTK) ókilderi jáne qoǵamdyq uıymdar aqparat taratý maqsatynda qosylyp naýqan ótkizdi. Onda uıymdastyrýshylar halyqty aýtızm máselesi jaıly habardar etip, erekshe kútimdi qajet etetin balalardy túsiný jáne qoldaýǵa shaqyrdy. Al, naýqandy uıymdastyrýshy «Bolashaq» KQ dırektory Dınara Shaıjúnisova naýqannyń maqsaty jóninde aıtyp berdi.
— 2 sáýir – aýtızm problemasyn násıhattaý kúni. Sondyqtan jeksenbilt qala halqy saýda ortalyqtaryna kóp keletindikten, osy jerde aksıa ótkizýdi kózdedik. Maqsatymyz da sol – halyqty aýtızm problemasy týraly maksımaldy túrde aqparattandyrý, - dedi Shaıjúnisova.
Dınara Shaıjúnisovanyń aıtýynsha, aýtızm dıagnozy bar bala men ózge balanyń arasyndaǵy aıyrmashylyqty baıqaý óte qıyn. Naýqanǵa qatysyp jatqan balalardyń barlyǵy – birdeı, teń quqyly.
Álem boıynsha 67 000 000 adam aýtızmmen ómir súretinderin kóbi bile bermeıdi, álemde ár 42–shi ul bala jáne ár 189–shy qyz bala aýtızm spektorynda.
Naýqan kezinde balalarǵa mýzykalyq jáne shyǵarmashylyq aımaqtar uıymdastyrylady. Onda: akvagrım, kórkemdik sheberlikter, molbertte sýret salý, tuzdy qamyrmen músindeý, lego-aımaqtary, anımatorlardyń oıyn-saýyq baǵdarlamalary boldy. «Erekshe merekeler» qoǵamdyq uıymynyń mýzykanttary óner kórsetti.
3 000 aqparattyq flaerler taratylyp, naýqanǵa myńnan asa adamdar qatysty. Sonymen qatar shara barysynda qonaqtarǵa 1 000 tg qaıyrymdylyq jarna berip óz dızaınymen, jeke erekshe sýretimen sómke alýyna múmkindik boldy. Barlyq túsken qarajat «Bolashaq» korporatıvtik qorynyń «Ár bala mektepke laıyqty» jobasyn iske asyrýyna jiberiledi.
Kók túspen bir tilim pazl álemde aýtızm rámizi bolyp tabylatynyn esterińizge sala keteıik. Kók tús «aýtızm túsi» bolyp tabylmaıdy. Kók – bul Autism Speaks atty úlken qoǵamdyq uıymnyń fırmalyq belgisi (2005 jyly negizin qalaǵan), ózderiniń negizgi logotıpine basylǵan kógildir tús jáne 2010 jyly bastaý alǵan «Kókpen jaq» uıymy óz marketıńtik naýqanyn órbitýde.
Aıta ketetin jaıt, ınklúzıvti qoǵamdy damytý maqsatynda jáne erekshe kútimdi qajet etetin jandardyń teń múmkindik alýy úshin «Bolashaq» KQ 30 naýryzda jyl saıyn bastaý alatyn BAQ, medıa-mamandarmen áýesqoılar arasynda «Ár bala mektepke laıyqty» ınklúzıvti bilim alý jaıly eń úzdik aqparatqa 1 000 000 teńge utys jarıalady. Baıqaýǵa qatysam deýshilerdi shaqyramyz. Qosymsha aqparatty osy saıttan taba alasyzdar www.bolashakcharity.kz.
Pikir qaldyrý