Almatynyń Indýstrıaldy aımaǵynda bıyl 10 jańa kásiporyn iske qosylmaq.

Qazaqstan Prezıdenti Nursultan Nazarbaev jalpyulttyq telekópir barysynda ındýstrıalandyrý baǵdarlamasy boıynsha 10 jańa kásiporyndy iske qosty. Aımaqtardaǵy kásiporyndardyń jetekshileri onlaın rejıminde Memleket basshysyna ózderiniń keleshektegi josparlarymen bólisti.

Almatynyń ındýstrıaldy aımaǵynda bıyl 10 jańa kásiporyn iske qosylyp, 2000-ǵa tarta jumys orny ashylady. Jobalar mashına jasaý, qurylys ındýstrıasy, farmasevtıka, tamaq jáne hımıa ónerkásibine baǵyttalǵan. Olardyń jalpy quny 58 mıllıard teńgeni quraıdy. Osy jyly iske qosylatyn óndiris oshaqtarynyń qatarynda sheteldik ınvestorlardyń da jobalary bar. Máselen, japondyqtar aımaqtan qurylys materıaldaryn shyǵaratyn zaýyt ashsa, reseılikter kabel ónimderin jasaýǵa qulshynyp otyr eken. Al quny 33 mlrd teńgeni quraıtyn taǵy bir kásiporyn  dıametri keń qubyrlar shyǵaratyn bolady. Qytaılyq kapıtal negizinde iske qosylatyn bul zaýyt 40 paıyz ımportty almastyrady dep kútilýde. Buǵan qosa, aldaǵy ýaqytta tabıǵatqa zalal keltiretin qala ishindegi iri zaýyttardy da ındýstrıaldy aımaqqa kóshirý kózdelip otyr.

«Bizdiń maqsat - ındýstrıaldy aımaqqa, birinshiden, ózimizdiń, qala kóleminde jumys istep jatqan, áseri úlken ónerkásip mekemelerin sol jerge jyljymaly túrde kóshirý máselesi. Sebebi, olardyń tehnologıalary ozyq tehnologıaǵa saı emes. Qala alańynda ekologıa máselesi qıyn. Sondyqtan ekologıa saıası barysynda biz ol úlken mekemelerdi búgingi tańda jumys jasap, josparda sol Indýstrıaldy aımaqqa kóshirý máselesin kóterip jatyrmyz», - dedi Almaty qalasy ákiminiń orynbasary Almas Mádıev.

Budan bólek, bıyl «Alataý ınovasıalyq tehnologıalar parkin» damytýdyń jańa baǵdarlamasy jasalmaq. Óıtkeni, 163 gektardan asatyn ekonomıkalyq aýmaqtyń 50 gektardan astam telimi bos tur. Ol jerde İT tehnologıalardy damytyp, qalaǵa qajetti jobalar jasaıtyn ónerkásipter ashý kózdelýde. Jańa baǵdarlamany jasaqtaýda stýdentterdiń de startap jobalaryna mán beriledi.

«Bul alańda qazirgi tańda 135 kompanıa jumys isteýde. 63 kompanıa ekstrıalteldyq túrinde jumys istep jatyr. Osy máseleler endi zań asynda sheshilýi tıisti. Biraq negizgi bizdiń maqsat - ol kompaıalardyń sanyn kóbeıtý. Iaǵnı, ol kompanıalardyń tehnologıalary bizdiń qalalyq problemalardy sheshýge arnalǵan tehnologıa bolýy kerek. Jáne de bizdiń ekonomıkalyq eń mańyzdy - bizdiń salyq bazasy men jumys oryndaryn ashý máselesi bolý kerek», - dedi Almaty qalasy ákiminiń orynbasary Almas Mádıev.