Qazaqstan Respýblıkasynyń Elshisi Álimhan Esengeldıev Aýǵanstan Islam Respýblıkasynyń Prezıdenti Mohammad Ashraf Ǵanıge senim gramotalaryn tabys etti, dep habarlaıdy Qamshy.kz aqparat agenttigi QR Syrtqy ister mınıstrliginiń baspasóz qyzmetine silteme jasap.

Kezdesý barysynda Aýǵanstan basshysy qazaqstandyq tarapqa jáne Prezıdent Nursultan Nazarbaevtyń jeke ózine Aýǵanstandy qaıta qalpyna keltirýge, elde beıbitshilik pen qaýipsizdik ornatýǵa baǵyttalǵan barlyq halyqaralyq jáne óńirlik bastamalarǵa únemi kórsetip otyrǵan qoldaýy úshin alǵysyn bildirdi.

Ol Qabyl úshin Qazaqstannyń Ortalyq Azıadaǵy eń iri áriptesi retinde erekshe mańyzdylyǵyn atap ótti. Buǵan onyń tek 2017 jylynda Astanaǵa jasaǵan eki sapary jáne QR Prezıdentimen kelissózderi dálel bolyp otyr.

Aıta ketsek, Qazaqstan Aýǵanstandy qıyn kezderde árdaıym qoldady. Atap aıtqanda, 2002 jyldan bastap 20 mıllıon dollardyń azyq-túligi jetkizildi, quqyq qorǵaý organdarynyń qyzmetin nyǵaıtý úshin qarajat aýdaryldy jáne aýǵan stýdentteriniń bizdiń elde bilim alýy úshin 50 mıllıon dollar bólindi.

Eske salsaq, eki el arasyndaǵy Dıplomatıalyq qatynastar 1992 j. 12 aqpanda ornatyldy. 2016 j. qyorytyndylary boıynsha Qazaqstan men Aýǵanstan arasyndaǵy taýar aınalymy 489,4 mln. AQSH dollaryn qurady: onyń ishinde QR eksporty – 486,8 mln. dollar, ımporty – 2,6 mln. dollar.

Aýǵanstan Prezıdenti eki el arasyndaǵy saýda-ekonomıkalyq yntymaqtastyqty tereńdetýdiń qajettigin basyp aıtty. Qazaqstandyq iskerlerdi aýǵan naryǵynda, atap aıtqanda bıdaı jetkizý, Aýǵanstan aýmaǵynda qazaqstandyq kompanıalardyń dıirmen salýy, taý-ken ónerkásibiniń obektileri, elektroenergıa salalarynda, temirjol jobalarynda jumystaryn belsendetýge shaqyrdy. Óz kezeginde, aýǵandyq tarap qazaqstandyq naryqqa jemis-jıdek pen jańǵaqtardyń túr-túrlerin jetkizbek.

Á. Esengeldıev Aýǵanstan Prezıdentine kórsetilgen qonaqjaılyq úshin alǵysyn bildirip, Qazaqstan Prezıdentiniń Aýǵanstanǵa, onyń ishinde QR-dyń BUU Qaýipsizdik Keńesindegi turaqty emes músheligi sheńberindegi bólip otyrǵan erekshe mańyzdylyǵyn atap aıtty. Memleketter arasyndaǵy ekijaqty qatynastardy odan ári keńeıtýge baryn salatyndaǵyna daıyndyǵyn jetkizip, sondaı-aq eldi qysqa merzimde qalpyna keltirý isinde Astananyń Qabyldy tolyqtaı qoldaıtyndyǵy boıynsha ustanymy týraly málimdedi.

Budan bólek, Qazaqstan elshisi sol kúni Syrtqy ister mınıstri Salahýddın Rabbanımen jeke kezdesý ótkizip, taraptar ekijaqty jáne kópjaqty yntymaqtastyǵynyń keń aýqymdy máseleleri boıynsha pikir almasty.