Londonda British Expertise International konsaltıńtik kompanıasynyń shtab-páterinde Ulybrıtanıadaǵy QR Elshiliginiń qoldaýymen Qazaqstannyń ınvestısıalyq múmkindikterine arnalǵan semınar ótti, dep habarlaıdy Qamshy.kz aqparat agenttigi.
«Kazakh Invest» UK jáne London Infrastructure brıtandyq kompanıasy uıymdastyrǵan semınar jumysyna Aggreco, Alaco, UK Export Finance, JP Morgan, Rothschild Capital Group, DMT Consulting, JCB, Worley Parsons, IPC, «EQQDB», Mobsby Associates, TVET UK, Advantix Ltd, CBRE, Ricardo Energy, SP Angel, Paramount Powders, Crown Agents, Cundall, John Wiley & Sons, Rattan Power, The D Group sekildi jetekshi brıtandyq jáne halyqaralyq korporasıalardyń basshylary, sondaı-aq Ulybrıtanıanyń memlekettik organdarynyń, saraptamalyq jáne akademıalyq ortalardyń ókilderi qatysty.
Kazakh Invest basqarma tóraǵasy Saparbek Tuıaqbaevtyń basshylyǵymen qazaqstandyq delegasıa quramyna «Qazsýshar» RMK, BI Group kompanıasynyń, Eurasia Gold Inc, «Qazaqstannyń damý banki» jáne t. b. uıymdardyń ókilderi kirdi.
S. Tuıaqbaev óziniń alǵy sózinde Qazaqstannyń ınvestısıalyq ahýaly men elimizde bıznes jobalardy iske asyrýdyń keleshegi týraly aıtyp berdi. Atap aıtqanda, shara qatysýshylaryna QR-da bıznes júrgizýdiń múmkindikteri, zańnamalyq qoldaý, sheteldik ınvestısıalardy tartýdyń básekeli artyqshylyqtary týraly tolyq aqparat berilip, Úkimet bekitken 50 asa basymdyqty ınvestısıalyq joba tanystyryldy. S. Tuıaqbaev brıtandyq bıznesmenderdi jobalardy Qazaqstanda iske asyrý úshin belsendirek qatysýǵa shaqyrdy.
Óz kezeginde, brıtandyq kompanıalar «Bir beldeý —bir jol» qytaı bastamasy aıasynda qazaqstan tarapy iske asyryp jatqan ınfraqurylymdyq jobalarǵa qyzyǵýshylyq tanytty. Brıtandyq bıznesmender aýyl sharýashylyǵy, taý-ken óndirisi ónerkásibi, mashına jasaý, JEK salasyndaǵy jobalarǵa erekshe qyzyǵýshylyq bildirdi. Eki el arasyndaǵy yntymaqtastyqtyń kezekti perspektıvaly salalary — AT, sıfrlyq ekonomıka, elektrondy úkimet, munaı hımıasy, óńdeý ónerkásibi, bilim berý, densaýlyq saqtaý jáne t. b. salalar.
UK Export Finance TMD jáne Azıa boıynsha óńirlik dırektory Vomık Nýr-SHahtyń aıtýynsha, «Qazaqstan men Ulybrıtanıa arasyndaǵy ekijaqty saýda yntymaqtastyǵynyń ósimi oń qarqynǵa ıe, Qazaqstanmen iske asyrylatyn jobalardy qarjylandyrý kólemi teńgemen qarjy alý múmkindigimen, £1,25 mlrd-tan £3 mlrd-qa deıin ulǵaıtyldy».
Ulybrıtanıadaǵy QR Elshisi Erlan Ydyrysov:
«Qazaqstan asa qolaıly ınvestısıalyq ahýaly bar, bıznes júrgizýge ashyq ári tartymdy elge aınalyp keledi. Elimizde Qazaqstanǵa keleshekte ınvestorlar úshin álemdegi asa qolaıly memleketterdiń birine aınalýǵa jol ashatyn aýqymdy ózgerister bolyp jatyr. Máselen, júıeli reformalardyń biri — "Astana" halyqaralyq qarjy ortalyǵy qyzmetiniń qurylymyna brıtandyq quqyq qaǵıdalaryn engizý jáne álemniń úzdik standarttaryna sáıkes bıznes júrgizý erejelerin bekitý», — dedi.
Ulybrıtanıa Premer-Mınıstriniń Qazaqstandaǵy Saýda ókili Baronesa Emma Nıkolson Ulybrıtanıa men Qazaqstannyń ınvestısıalyq jobalardy iske asyrýdaǵy, sonyń ishinde qarjylyq qyzmet kórsetý, aýyl sharýashylyǵy, taý-ken jáne azyq-túlik ónerkásibi salalaryndaǵy tabysty yntymaqtastyǵyn atap ótti.
Qazaqstandyq delegasıanyń jumys sapary brıtandyq áriptestermen birqatar ekijaqty kelissózder júrgizýmen jalǵasty. Mysaly, is-shara alańynda «Respýblıkalyq mańyzy bar aýyz sý taratý jelilerin salý» jobasy egjeı-tegjeıli talqylandy, aldyn ala quny shamamen $2 mlrd bolatyn jobany birlesip júzege asyrý týraly ýaǵdalastyqtarǵa qol jetkizilip, bastapqy qujattarǵa qol qoıyldy.
