Almaty oblysy Naýryzbaı aýdanynda sel júrdi dep, - dep habarlaıdy Qamshy.kz aqparat agenttigi QR İİM TJK baspasóz qyzmetine silteme jasap. 

"Almaty qalasy, Naýryzbaı aýdany, Aqsaı shatqaly. Tekseris kezinde qatty jaýyn-shashyn saldarynan Qyzyljar ózeninde sel júrgeni anyqtaldy. Sel júrýi saldarynan avtojoldar jabylǵan. Sý asfált boıymen aǵyp jatyr. Oqıǵa ornynda tótenshe jaǵdaıdy joıý maqsatynda jeke quram jumys istep jatyr", - dep habarlady TJK ókilderi.

Sonymen qatar, aýa raıynyń buzylýy men jaýyn-shashynnyń áserinen Talǵar aýdanynda da sel júrgeni belgili boldy. 

Jergilikti atqarýshy organdar tótenshe jaǵdaıdy joıý jáne avtojoldardy ýaqytsha jabý  máselesi boıynsha tapsyrma berdi. 

"Kazgıdromettiń" málimetine súıensek aldaǵy úsh táýlik ishinde bultty aýa raıy bolyp, aýa temperatýrasy tómendeıdi.