Qasıetti Ramazan aıynda Almatydaǵy qoǵamdyq kólikter úsh magıstral boıynsha jáne vokzal baǵytynda saǵat 00:00-ge deıin júretin bolady, dep habarlaıdy Qamshy.kz aqparat agenttigi QMDB-ǵa silteme berip.

17 mamyrdan bastalatyn qasıetti Ramazan aıynda qaladaǵy barlyq 49 meshitte taraýıh namazy oqylady, al 45 meshitte Quran Hatym shyǵarylady.

«Taraýıh namazynyń túngi 12-ge deıin sozylýyna baılanysty ákimshiliktiń yqpal etýimen 16 mamyr men 14 maýsym aralyǵynda avtobýstardyń kestesi  ózgertildi. Saın kóshesi men Dostyq dańǵyly, Almaty-1 vokzaly men Talǵar tas jolyna deıingi 4 baǵyttaǵy avtobýstar saǵat 00:00-ge deıin júretin bolady. Sonymen qatar ár meshitte jamaǵattyń bilimin jetildirý maqsatynda zıatkerlik saıystar ótedi. Al ortalyq meshitte ekinti men besin namazy aralyǵynda «Ýmra kishi qajylyǵy kimge buıyrady?» atty baıqaý uıymdastyrylady», - dedi QMDB Almatydaǵy ókili Erkinbek Shoqaev.

Ramazan aıynda barlyq meshitterde qaýipsizdik kúsheıtiledi.