Astanalyq ekonomıkalyq forýmy alańynda alǵash ret azamattyq sektordyń zamanýı jahandyq tendensıalarynyń negizgi aspektileri, jańa syn-tegeýrinder men múmkindikteri talqylanatyn bolady, dep jazady Qamshy.kz aqparat agenttigi. 

2018 jylǵy 18 mamyrda Astanalyq ekonomıkalyq forýmy «Global Challenges Summit» aıasynda «Azamattyq qoǵamnyń bolashaǵy. Jańa azamattyq belsendilik» atty paneldik sesıasy ótedi.

Osy jyly Astana ekonomıkalyq forýmynyń aıasynda tek ekonomıkalyq máseleler talqylanyp qoımaı, sonymen qatar azamattyq belsendilik, úkimettik emes uıymdardy damytý, buqaralyq aqparat quraldaryn damytý máseleleri de talqylanatyn bolady. Sebebi, ózderińiz biletindeı, sońǵy jyldary jańa aqpa­rattyq dáýir dástúrli BAQ pen saıası partıalar aldyna jańa syn-tegeýrinderdi shyǵardy.

Azamattyq qoǵamdy damytý máseleleri boıynsha jeke paneldik sesıa ótkizý  QR Din isteri jáne azamattyq qoǵam mınıstrliginiń bastamasy bolyp sanalady.

Uıymdastyrýshylardyń aıtýynsha, buǵan deıin atalǵan shara aıasynda tek ekonomıkalyq aspektiler qarastyrylsa, bıyl Forým alańynda ÚEU damýynyń zamanaýı trendteri talqylanatyn bolady.

Paneldik sesıa jumysynda taıaý jáne alys shetelderdiń, sonymen qosa Qazaqstannyń barlyq aımaqtarynan úkimettik emes uıymdardyń ókilderi, saıasattanýshylar, sarapshylar qatysatyn bolady.

Din isteri jáne azamattyq qoǵam mınıstrliginiń Azamattyq qoǵam isteri komıteti tóra­ǵa­synyń orynbasary Baqytjan Narymbetovtyń aıtýynsha AEF aıasynda alǵash ret azamattyq sektordyń qazirgi zamanaýı tendensıalarynyń negizgi aspektileri, jańa syn-tegeýrinder men múmkindikter talqylanady. Sesıa jumysyna sheteldik jáne otandyq úki­mettik emes uıymdar, memlekettik uıym­dardyń ókilderi, saıasattanýshylar men áleýmettanýshylar, ǵylymı-zertteý uıymdary, sonymen qatar azamat­tyq pozısıasymen kózge túsken pikir kósh­basshylary qatysady. Atalǵan jıyn Din isteri jáne azamattyq qoǵam mınıstr­ligi men Azamattyq bastamalardy qoldaý ortalyǵynyń qoldaýymen ótkiziledi.

ÚEU, áleýmettik kásipkerlik damýynyń zamanaýı trendteri jáne Qazaqstandaǵy azamattyq belsendiliktiń formalary týraly belgili sarapshylar baıandaıtyn bolady. Atap aıtqanda, «TALAP» qoldanbaly zertteý ortalyǵynyń basshysy Raqym Oshaqbaev, «Qoǵamdyq máselelerdi taldaý ortalyǵy» qoǵamdyq qorynyń basshysy Merýert Mahmýtova, «Ekonomıkanyń joǵary mektebi» ǴZÝ Azamattyq qoǵam men úkimettik emes sektordy zertteý ortalyǵynyń basshysy Irına Mersıanova (Máskeý q.,Reseı), AlmaU ýnıversıtetiniń rektory Gúlmıra Kurǵanbaeva, saıasattanýshy Saıasat Nurbek sóz sóıleıdi dep kútilýde.

İs-shara qatysýshylaryna iske asyrylǵan ınovasıalyq jobalar jáne azamattyq qoǵam salasyndaǵy úzdik tájirıbeler tanystyrylady.