XI Astana ekonomıkalyq forýmy sheńberinde Aýyl sharýashylyǵy mınıstrligi birqatar tarıhı qujattarǵa qol qoıdy. İri transulttyq kompanıalar Qazaqstannyń agroónerkásiptik keshenine qarjy resýrstaryn ǵana emes, qazirgi zamanǵy tehnologıalar transfertimen de qamtamasyz etýge daıyn.

Búgingi tańda elimizdiń agroónerkásip kesheni ekonomıkanyń qarqyndy damyp kele jatqan salasy bolyp tabylady jáne onyń jyldyq ósim qarqyny 104,5% qurap otyr. Qazaqstannyń tabıǵı resýrstarynyń áleýeti men agroónerkásip kesheni qorlary elimizdiń odan ári qarqyndy damýy úshin negiz bolyp tabylady.

Elbasy eńbek ónimdiligin jáne óńdelgen aýyl sharýashylyǵy ónimderiniń eksportyn arttyrý boıynsha naqty mindetter qoıdy. İri transulttyq kompanıalarmen yntymaqtastyq tikeleı ınvestısıalardyń jetkilikti mólsherin ǵana emes, sondaı-aq ınvestorlardyń ózderi esebinen daıyndalǵan ónimderdi odan ári eksporttaýdy jeńildetýge múmkindik beredi.

Joǵaryda atalǵan mindetter sheńberinde Astana ekonomıkalyq forýmy aıasynda iri transulttyq kompanıalarmen, sonyń ishinde «Cremonini» («Inalca Eurasia Holding»), Italıa, «M.A.D. Developing Agricultural Projects», Izraıl, «Cedar Meats», Avstralıa, AGCO, SSHA «Golden Camel GROUP LTD», Qytaı, «Hyundai Corporation», Ońtústik Koreıa, «Dunbia», Ulybrıtanıa kompanıalarymen jalpy kólemi 300 mlrd. teńgeni quraıtyn memorandým jáne jol kartalaryna qol qoıyldy.

Atalǵan kompanıalar aýyl sharýashylyǵy jáne azyq-túlik ónimderin óndirýshiler arasynda kóshbasshy bolyp tabylady.

Jobalarǵa qol qoıylǵannan keıin ınvestorlarmen dóńgelek ústel formatynda kezdesý ótkizildi. Atalǵan is-sharany ashqan QR Premer-Mınıstriniń orynbasary – QR Aýyl sharýashylyǵy mınıstri Ómirzaq Shókeev iri sheteldik ınvestorlardy Qazaqstanǵa tartý, ónerkásiptiń ekonomıkalyq jáne tehnologıalyq áleýetin odan ári damytýdyń mańyzdy quramdas bóligi ekenin atap ótti.

Kásipkerlikke qolaıly jaǵdaı jasaý jáne ınvestısıalyq ahýaldy jaqsartý agroónerkásiptik keshende memlekettik saıasatty iske asyrýdyń negizgi basym faktory bolyp tabylady.