«Qazaq handyǵyna 550 jyl» shyǵarmashylyq báıgesine

                                                Máńgilik eldiń  rýhy bop jáne jany bop, Aýdandy ulttyń ul men qyzynyń ary bop, Bes ǵasyr kórgen tarıh aspanyn samǵadym Qanattylardyń hany bop...   Jurtymdy kórdim bereke, quty qashpaǵan. Tatýlyq – áni, eshkim joq esik ashpaǵan. Juldyzy jaryq nurly bir jáne jol jatyr Jánibek, Kereı bastaǵan!   Qasqa bul jolda órteńiń qalǵan Qasym ot, Astanam - qolda, Han Kenemizdiń basy joq. Baqyt kóginen bir tamshy únsiz tamyp tur Shubyryndynyń jasy bop!   Naýryzbaı-naıza qorǵanym bolyp janǵa bek, Azattyǵymdy qarsy alam ylǵı «Ar ma?!» - dep. O, Uly dala! Qyzǵaldaǵyńdy súıemin Babamnyń qany bar ma dep?!   Dáýir dúbirin estirdeı bıik bolsa ary, Berilmes bel joq, sańlaqtar atqa qonsa áli. Ór Nazym ózin qurban da etken, myń qyzdyń Úzilmeý úshin monshaǵy!   Aıdaı álemge aıan bop kelgen aımaǵy, Kerýen kúnnen buzylmaı jetken qaımaǵy. Alaýlap tur ǵoı Qozybasyda tigilgen Bórili eldiń baıraǵy!   Erteńgi únniń ózinde ǵana ámiri, Keshegi kúnniń duǵasyz qalmas qabiri Jas urpaq barda Báıterek syndy máýeli, Tereńde jatqan tamyry!   Kıeńdi bilip, seıilip oıdan kóp kúmán. Altyn kún asyp qanatym jaıdym Kók Qyran. Kózimmen kórgen, sezimmen sengen osy kúı Abylaıdyń túsi bolmasa eken dep turam... Kók Qyran, samǵa, Kók Qyran!  

 Iman kúshti olarda,

Men jastarǵa senemin!

           Maǵjan Jumabaev

               Hat jazdym qalam alyp...   Ǵumyrlas pendem, ózińnen óziń syr baqshy. Dúnıe jıyp júrgende búgin qý nápsi. Ajal kep erteń, joq qylsa joqtyń ózin de Atyńyz qalar, hatyńyz qalar bir jaqsy. ***   Haq joly myna Álemde bılik qurmaǵan, Pendeler az-aý Azannyń únin tyńdaǵan. Qazaq deısiz be? Uly dep júrgen ult túgil, Adamdyǵynan adasyp qaldy bul Ǵalam.   Sýalyp sezim, shel bolyp kózim qalǵydym. Endigi, eren jastardyń úni – arly ún. Aqıqat – jalǵyz, arman da bizde – jalǵyz-aq, Qapastan qara qutqarý Jerdiń barlyǵyn.   Kógimde – túnek, kózsizdik bulty qaptaǵan. Sanamdy ýlap, tánimdi túırep, taptaǵan. Alaýy arsyz Aıdahar bolsyn – ózine, Rýhsyzdar úshin «Rýhymdy – kıe» satpaǵam.   Tarıhy talaı taýqimetinen túlegen, Paryzdan bıik shyń joq ekenin bile me el?! Jolsyzǵa nurly jol sap ketemiz, kór de tur, Tereńge jaıyp tamyryn óser myń emen.   Boıymda jalyn, qolbasshym – túrki Kúltegin. Berilmen, jastar! Órteńde ónbes gúl tegin. Aınalyp qaıta qazyǵyn tapqan tulpardyń, Kóńiliniń jasyn ar-ımanymmen súrtemin.   Qudaıdyń quly, ultynyń bolǵan ultany. Álimsaǵynan azandy eldiń urpaǵy. Kútemiz, jastar, «taý bolyp týǵan talaıdyń», Sájdeniń ıisin saǵyntyp atar bir tańy.   Qarańǵylyqtyń eritip yzǵar tońdaryn. Ar iliminiń túzemiz sansyz tomdaryn. Bolmysym izgi qulqynnyń quly bolǵansha, Myń baqyt maǵan Adamnyń uly bolǵanym.   Ada bol dertten qanyńa sińip, qýalar. Baǵyń kep ózi esikten sonda syǵalar. Adamzat úshin Adaldyq tile Alladan, Qabyl etiler nıeti túzý duǵalar!                                 Qýanyshbaı Aı-Kerim Nurǵazyqyzy, SDU(Suleyman Demirel University)