Qazaqstandyq "Astana arlandary" boks komandasy toptyq kezeńdegi sońǵy kezdesýin ótkizip, aıqyn jeńiske qol jetkizdi. Esterińizge salaıyq, boksshylarymyz 1 naýryz kúni Almaty sharshy alańynda "Nemis qyrandarymen" kúsh synasqan bolatyn. Bul kezdesýdegi eń qyzyqty jekpe-jek asa aýyr salmaqta oryn aldy. Jerlesimiz Rýslan Myrsataev nemis boksshysy Erık Brehlınmen qolǵap túıistirip, ekinshi raýndta ony nokaýtqa jiberdi.
Orta salmaqta óner kórsetetin Erjan Músápirov te kezdesýin taza jeńispen aıaqtady. Onyń qarsylasy alǵashqy raýndtan soń-aq judyryqtasýdan bas tartqan.
Arlandar sapynan Konstantın Snıgýr men Ehsan Rýzbahanıler de komanda qorjynyna upaı saldy. Al, eń jeńil salmaqta sharshy alańǵa shyqqan Mıras Jaqypov rýmyndyq legıoneri Nıkolae Andrıannan jeńilip qaldy.
Osy jeńisinen keıin "Astana Arlandary" 24 upaı jınap, V tobynda birinshi orynǵa turaqtady.
BAQ.KZ
Pikir qaldyrý