Ulttyq ekonomıka mınıstri Tımýr Súleımenov dollar baǵamynyń nege sharyqtap jatqanyn túsindirdi. Bul týraly Sputnik Qazaqstan tilshisi habarlady.

Súleımenovtiń aıtýynsha, AQSH saıasatynyń ózi amerıkalyq ıýrısdıksıa men qundy qaǵazdarynyń ınvestısıalyq tartymdylyǵynyń kúsheıýine yqpalyn tıgizedi. Bul, tıisinshe, dollar men tólem balansyna áser etedi.

"Dollarǵa yqpalyn tıgizetindikten, ol ósedi de, al qalǵan valútalar quldyraıdy", — dedi mınıstr úkimet kýlýarynda. 

Teńgeniń kún ótken saıyn qunsyzdanýyna ekinshi sebep – áli turaqtamaı turǵan munaı baǵasy. 

"Qara altyn" quny birde joǵarylap, birde tómendep tur. Tıisinshe, bul teńge baǵamyna áser etpeı qoımaıdy", — dedi ol. 

Jýrnalıser mınıstrden dollar baǵamy 400 teńgege jete me dep surady. 

"Eń durysy, muny Ulttyq bankten suraý. Bizde kelesi jylǵa arnalǵan  áleýmettik-ekonomıkalyq damý boljamynda dollar baǵamy 370 teńge deńgeıinde kórsetilgen", — dedi Súleımenov.

Aıta ketsek, qazir Ulttyq banktiń resmı saıtynda dollar baǵamy 380,44 teńgeni kórsetip tur. Al Qazaqstan qor bırjasynda (KASE) tańǵy sesıa boıynsha dollardyń ortasha saralanǵan baǵamy – 383,46 teńge.