Astana qalasynyń Esil aýdandyq sotynda Eskendir Súleımenovtyń ólimine qatysty sot otyrysy áli de jalǵasyp jatyr. Qorǵaýshy sot otyrysynda Malıka Muhıtovanyń jol apatyna kináli emes ekenin taǵy da alǵa tartty. Advokattyń aıtýynsha, jol apatyna joǵary jyldamdyqpen júrgen Eskendirdiń ózi kináli.
Sondaı-aq Malıka Muhıtova otbasymen birge Eskendir Súleımenov jerlengen beıittiń basyna barǵan.
♦Oljas Súleımenovtyń ekinshi haty: Menen qatelik ketti...
«Malıka 5 qyrkúıekte Eskendirdiń qabirine baryp, bolǵan jaǵdaı úshin keshirim surady. Malıkanyń atasy men naǵashy atasy eki ret Oljas Súleımenovpen kezdesýge bardy. Tipti nemeresiniń jazasyn jeńildetý úshin, «janymyzdy al», - dep jalbarynǵan», — deıdi Malıka Muhıtovanyń qorǵaýshysy.
Malıka Muhıtova bolsa, óz kinásin tolyq moıyndaı otyryp, Eskendirdiń otbasynan keshirim surady.
♦Malıkanyń sottaǵy sońǵy sózi: Eskendirdi túsimde kórdim
«Men taǵy da Eskendirdiń otbasynan keshirim suraımyn. Bul týraly aıtqan saıyn men qatty qınalamyn. Barlyǵymyzǵa da aýyr jaǵdaı. Men óz kinámdi tolyq moıyndaımyn jáne bas bostandyǵymnan aıyrmaýdy ótinip suraımyn», — deıdi Malıka Muhıtova.
