Zań týraly qosaıyn zardy óleńge
İs júzinde bermeıtin járdem elge
Túıe jutqan jemqorlar taırańdap júr,
Namysyn umytatyn nan degende
Mas bolyp kólik aıdap baı-shonjarlar,
Uqsaıdy adam qaǵyp dándegenge
Ertesine shyǵa sap erkindikke,
Qaıtadan basyp jatyr álgi "ónerge"
"Zań bárine ortaq" – dep aıtqanmenen,
Súıenetin adam az ar-bedelge
Quryǵy uzyn quzyrly organdaryń,
Álsizderdi daıyn tur áýreleýge
Qolyna bir túsirse qan qaqsatad(y)
Kedeıdiń jalǵyz ulyn jar degende
Osydan soń eshqashan qara xalyq,
Senimmen qaramaıdy zań degenge
Taǵy qandaı basyma kún týar dep,
Úreılenip qalypty ábden el de.
Ómiri qorlyq kórgen tyshqan baıǵus,
Senbeıdi soqyr mysyq bar degenge.
Meıirbek Sultanhan
