«...Álıhandy kim atty?» 
«...Ahmetti kim atty?» 
«...Mirjfqipti kim atty?» 
«...Hálelderdi kim atty?»

«...Maǵjandardy kim atty?» 
«...Júsipbekti kim atty?» 
«...Muhamedjan Tynyshbaı...» 
«...Jahanshany kim atty?..»

Pende - ómirdiń qonaǵy, 
Kózime jas tolady... 
Bul tizimdi ar qaraı 
Soza berse bolady?..

Ult satqyny - jat mundar, 
Ult serkesin attyńdar? 
Bozdaqtaryn «Alashtyń», 
Ustap bergen satqyndar.

Ótken kúnde - bar salmaq, 
Aýyr jaza qarsy almaq. 
Sol satqyndar - 70 jyl, 
Ómir keshti alshańdap.

Tońbaǵan da, tońǵan da, 
Ońbaǵan da, ońǵan da, 
Táýelsiz el bolǵaly 
Shırek ǵasyr bolǵanda,

Ult ulany jasyp júr, 
Jemqór tasyp, asyp júr, 
Sol satqyndar urpaǵy- 
Áli de alshań basyp júr.

Júz jyl ezgen sol qaıǵy, 
Qazaq qana sorlaıdy. 
Satqyndardyń urpaǵy- 
Alastalmaı bolmaıdy...

Qol salmasyn tazaǵa, 
Jaýap bersin qazaǵa! 
Ult satqynyn, urpaǵyn, 
Tartpaı bolmas jazaǵa!..

Jumash Kenebaı