Sırıadaǵy qazaqstandyqtardy elge qaıtarý boıynsha júrgizilgen «Jýsan» operasıasy jalǵasyn tabady. Bul týraly búgin Syrtqy ister mınıstrligi baspasóz qyzmetiniń jetekshisi Aıbek Smadıarov málimdedi dep jazady Qamshy.kz aqparat agenttigi Sputniknews.kz caıtynyń deregin negizge alyp. 

Aıta ketsek, «Jýsan» operasıasy aıasynda Sırıadan 47 azamat elge oralǵan edi. Olardyń deni, ıaǵnı 30-y – 1 - 5 jas aralyǵyndaǵy balalar. 

–Bul sońǵy operasıa emes, tek basy ǵana. Qazaqstannyń Syrtqy istr mınıstrligi jáne basqa da memlekettik organdar azamattarymyzdyń taǵdyryn árdaıym basty nazarda ustaıdy, – dedi Smadıarov syrtqy saıası vedomstvoda ótken brıfıńte.  

Ol «Jýsan» operasıasy uzaq daıyndalǵanyn ári kúrdeli bolǵanyn atap ótti. Sırıadaǵy otandastardy elge qaıtarýǵa sheteldik seriktester men halyqaralyq uıymdar tartylǵan. 

–Qazaqstandyqtardyń kóbi Sırıada júrgen týysqandarymen bir jolyn taýyp baılanysqa shyǵyp júr. Ótken jyly konsýldyq qyzmet departamentine 20-dan astam ótinish tústi. Sondaı-aq Sırıadaǵy azamattardyń ózi túrli komıtetter, áleýmettik jelidegi toptar arqyly baılanysqa shyǵyp, úıge qaıtqysy keletinin aıtyp jatady, – dedi Smadıarov. 

Ol «Jýsan» operasıasy aldaǵy ýaqytta jalǵasyn tabatynyn atap ótti.