Elbasynyń «Rýhanı jańǵyrý» baǵdarlamasy, «Uly dalanyń jeti qyry» maqalasy jáne Jastar jylyndaǵy tapsyrmalaryn júzege asyrý maqsatynda Bilim jáne ǵylym mınıstrligi, Shyǵys Qazaqstan oblysy ákimi jáne  Nur Otan partıasy SHQO fılıaly qoldaýymen, Sársen Amanjolov atyndaǵy Shyǵys Qazaqstan memlekettik ýnıversıtetiniń uıymdastyrýymen  Polsha memleketi, Sveche qalasynda ornalasqan Lıngvısıkalyq-tehnıkalyq ýnıversıteti bazasynda «Abaı» ǵylymı-bilim berý jastar ortalyǵy ashyldy, dep jazady Qamshy.kz aqparat agenttigi.

Jastar ortalyǵynyń negizgi jumysy Polsha memleketinde akademıalyq utqyrlyq boıynsha jáne basqa da baǵdarlamalarmen oqyp jatqan stýdentterdiń, sonymen qatar qazaq dıasporasy jastaryna qarym-qatynas platformasy negizinde, polák halqyna uly ǵulamalarymyzdyń biregeıi Abaı Qunanbaıulynyń ómiri, shyǵarmashylyǵymen tanysýǵa baǵyttalǵan. Ortalyq negizinde eki ýnıversıtet arasynadaǵy qos dıplom, syrtqy akademıalyq utqyrlyq sıaqty ǵylymı-bilim berý baǵyttaryndaǵy jumystar atqarylady.  Elbasy «Bolashaqqa baǵdar: rýhanı jańǵyrý» baǵdarlamasynda, - «Ulttyq salt-dástúrlerimiz, tilimiz ben mýzykamyz, ádebıetimiz, joralǵylarymyz, bir sózben aıtqanda ulttyq rýhymyz boıymyzda máńgi qalýǵa tıis.

Abaıdyń danalyǵy, Áýezovtyń ǵulamalyǵy, Jambyldyń jyrlary men Qurmanǵazynyń kúıleri, ǵasyrlar qoınaýynan jetken babalar úni- bular bizdiń rýhanı mádenıetimizdiń bir parasy ǵana, al «Uly dalanyń jeti qyry» maqalasynda,- «...dúnıe júzine belgili tulǵalar búginde «óz memleketteriniń» baǵa jetpes sımvoldyq kapıtaly sanalady ári sol elderdiń halyqaralyq arenada tıimdi ilgerileýine septigin tıgizip otyr. Uly dala Ál-Farabı men Iasaýı, Kúltegin men Beıbarys, Áz-Táýke men Abylaı, Kenesary men Abaı jáne basqa da kóptegen uly tulǵalar shoǵyryn dúnıege ákeldi»,- dep atap ótken bolatyn. Sársen Amanjolov atyndaǵy Shyǵys Qazaqstan memlekettik ýnıversıtetiniń rektory, profesor Tólegen Muhtar seriktes ýnıversıtet bazasynda  naqty «Abaı» ortalyǵyn ashýdy usynýynyń ózi osy baǵdarlama men maqalada aıtylyp ótken tapsyrmalaryn oryndaý bolyp tabylady. Bul ortalyqtyń ashylýy shetelde bilim alyp jatqan jastarymyzǵa óz eliniń rýhanı qundylyqtary men uly esimderin maqtan etýge, sapaly bilim alýyna úlken múmkindik bereri anyq.