Jábirlenýshi Baqyt Nazarova ánshige kek saqtamaıtynyn aıtty dep jazady Qamshy.kz aqparat agenttigi 31-arnanyń deregin negizge alyp. 

Zańger Orynbasar Tilepbergenovtyń aıtýynsha, jábirlenýshi Baqyt Nazarova kelisimge kelgenin aıtyp, sotqa qaıta talap-aryz bergen jaǵdaıda 6 jylǵa sottalǵan ánshi Gaýhar Álimbekova bostandyqqa shyǵýy múmkin.

♦"Gaýhardaı asyl qyzdarymyzdy qorǵamasaq, advokattyǵyma syn bolar..."

Al Gaýhar Álimbekovany sotqa bergen Baqyt Nazarova 20 jyldan beri bazarda saýda jasap júr.

Qarapaıym azamatsha kezinde Gaýharǵa 40 myń dollar taýyp berý úshin birneshe ret nesıe alyp, qaryzǵa belshesinen batqan. Onyń sotqa bergendegi maqsaty – ánshini túrmege otyrǵyzý emes, aqshasyn qaıtarý eken. Óziniń esepteýi boıynsha, Álimbekova oǵan 51 myń dollar, 10 mıllıon 500 myń teńge qaryz. 

"Osyndaı ortamyzda jaǵdaı boldy eken dep, men ony tabalamaımyn. Oǵan ókpem de, kegim de joq. Al ony keshiremin, keshirmeımin deıtindeı men kimmin, Alla turǵanda? Alla, bárimizdiń keshirim, táýbámizdi qabyl alatyn. Sizderge aıtarym, Gaýhardy túsinýge, sókpeýge tyrysyńyzdar", – deıdi jábirlenýshi.

♦Gaýhar Álimbekovanyń taǵdyry: «Mýzart» saǵan aıtam... Tóreǵalı men Qaırat, sen tyńda!

Halyq sot Gaýharǵa tym aýyr jaza berdi dep áleýmettik jelide jarysa jazyp jatyr. Alaıda zańger Orynbasar Tilepbergenov ánshi tipti, 10 jylǵa deıin bas bostandyǵynan aıyrylýy múmkin edi dep otyr. Sot onyń buryn sottalmaǵany men qoǵamdaǵy bedelin eskergen. Zańgerdiń aıtýyna qaraǵanda, Gaýhar men ony sotqa bergen áıel bitimge kelgende is osylaı aıaqtalmas edi.

"Appelásıaǵa bergen kúnniń ózinde Álimbekovanyń quqyqtyq jaǵdaıy ózgermeıdi. Óıtkeni, sottan biz óreskel qatelik kórip turǵan joqpyz. Al jábirlenýshi "kelisimge keldim" dep, qaıta talap aryz beretin bolsa, onda jaǵdaı ózgerip, Álimbekovanyń bosap shyǵýǵa múmkindigi bar", – deıdi zańger.

♦Gaýhar Álimbekovanyń advokaty istiń mán-jaıyn túsindirdi

Demek, Nazarova men Álimbekova ymyraǵa kelse, ánshiniń bostandyqqa shyǵýy ábden múmkin.

Aıta ketsek, keshe "elimizdegi tanymal ánshilerdiń biri Gaýhar Álimbekova alaıaqtyq jasaǵany úshin 6 jylǵa sottaldy, degen aqparat kópshilikti eseńgiretip tastady.