Halyqaralyq qardy aýdarylymy júıesi arqyly 2018 jyldyń ózinde Qazaqstannan Reseıge 233,2 mıllıard teńge aýdaryldy dep habarlaıdy Qamshy aqparat agenttigi LS portalyna súıene otyryp.
Qarjynyń esepsiz syrtqa ketip jatqany ras. Qazir Qazaqstan basqa elder úshin maıshelpek jáne banan elge aınalyp otyrǵany ótirik emes. Elimizde bala-shaǵasyn asyrap, nápaqasyn taýyp júrgen gastarbaıterler de, el shıkizatynan orasan zor taýyp jatqan ınvestorlar da óte kóp. Endeshe sońǵy derekke nazar aýdaryńyz, Qazaqstannan aýdarylǵan aqsha ózge eldiń salyq qazynasyn toltyryp jatyr. Sonymen...
Halyqaralyq qarjy aýdarylymy júıesi arqyly 2018 jyldyń ózinde Reseıge Qazaqstannan 233,2 mıllıard teńge aýdarylǵan bolyp shyqty. Odan keıingi orynda –Ózbekstan. Negizinen olardyń basym bóligi ózbek gastarbaıterleri bolýy da múmkin. Ótken jyly ózbekter óz eline 111 mıllıard teńge aýdarǵan kórinedi. Bul oraıda túrikter de qalys qalyp otyrǵan joq. 2018 jyly Halyqaralyq qarjy aýdarylymy júıesi arqyly Qazaqstannan Túrkıaǵa 70,2 mıllıard teńge qarjy jiberilgen.
Atap ótetin bir jaıt, eń az aqsha Armenıa men Belarýske jiberilgen.
Armándardyń Qazaqstannan alǵan «úlesi» – 6,43 mıllıard teńge bolsa, belarýstardyń enshisinde 1,42 mıllıard teńge bolyp otyr. Ulttyq banktiń esebine júginer bolsaq, atalǵan qarjynyń basym bóligi negizinen mamyr, maýsym jáne qazan aılarynda aýdarylǵan.
Al ótken jyly syrtqy elderden Qazaqstanǵa 361,7 mlrd tenge aýdarylǵan. Onyń basym bóligi Reseı, Ońtústik Koreıa, Qyrǵyzstannan kelgen. Al eń azy Belarýs eli men Qytaıdan aýdarylǵan kórinedi.
