1997 jyly ekranǵa shyqqan «Tıtanık» fılmi 11 «Oskar» alyp (bul rekordty tek 2 fılm ǵana qaıtalaı aldy, basqa eshbir fılm budan asyp túse almady), kınematografıa tarıhynda 12 jyl boıy eń kóp kasa jınaǵan fılm ataǵynan túspeı turdy. Tek dál sol rejıserdiń «Avatar» atty kezekti fılmi ǵana «Tıtanık» fılmin atalmysh taqtan bir saty tómendetti. Jáne dál sol rejıser bireý jaqsy kórgen, endi biri jek kórgen júzinen meıirim tógilip turatyn jap-jas Leonardo Dı Kaprıony kúlli álemge tanytty. Biraq búginde bári ony baısaldy akter retinde moıyndady. Eger «Tıtanık» fılmi qalaı túsirilgeni qyzyq bolsa, tómendegi sýretterdi kórińiz.
Tek osy sýretterden keıin «Tıtanıkti» san márte qaıtalap kórgenim beker bolypty dep ókinip júrmeńiz. Endeshe, Qamshy.kz aqparat agenttigi oqyrmandaryna "Tıtanık" fılminiń túsirilim alańyndaǵy kadrdan tys sýretterin usynady.
Alyp keme... dep oıladyq bárimiz, á?
«Tıtanık" eshqandaı da kompúterlik grafıkasyz túsirilgen. Shynaıy kemelerdiń úlgilerin "batyrýǵa" týra kelgen. Tek bári biz oılaǵandaı kólemdi emes edi. Keıbir kórinisterde tipti kishkentaı kemelerdi túsirdi. Kemeniń kólemin joǵarydaǵy sýrettegi adamdarmen salystyrsańyzdar bolady.
Kaskaderlerdiń kúrdeli jumysy
Fılmdegi eń qıyn kórinisterdiń biri - bólinip qalǵan keme bóliginiń tik kóterilýi edi. Mundaı kórinisti tek arnaıy pavılonda búkil konstrýksıany arnaıy júkarbanyń kómegimen kóterip túsirý ǵana múmkin boldy.
Keıbir jerlerde adam ornyna qýyrshaqtar paıdalanyldy. Biraq mundaı qalypta ilinip turǵan adamsyz kınonyń sáni de kirmes edi. Sondyqtan, mundaı kórinisterde kaskaderlerdiń eńbegi orasan zor. Fılm túsirýshiler túsirilim kezinde kem degende úsh adamnyń tómenge qulap, súıekteri synǵanyn keıinirek moıyndady.
Áli bılegen joqpyz, biraq sonda da sharshap otyrmyz...
Fılmde birinshi sýret dramaly bolyp kórinedi. Djek Roýzdy palýbaǵa áreń tartyp shyǵaryp jatyr. Endi sál bolmaǵanda Roýz tym bıikten tómen qaraı qulaıtyn edi. Alaıda, túsirilim kezinde bári sonshalyqty qoqynyshty kórinbeıdi. Qulasa da onsha bıik emes. Al tómende oqys jaǵdaı bola qalsa, Keıtti qaǵyp alýǵa daıyn kómekshi jasyrynyp otyr.
Al ekinshi sýrette fılmniń eń este qalarlyq sátteriniń birin túsirýge daıyndyq barysy keremet bolyp jatyr. Birinshiden, shynaıy sıaqty kórinetin kemeniń bir tumsyǵy daıyn. Ekinshiden, keremet aýa-raıy. Aýa-raıynyń keremettige sonsha, tońyp qalmas úshin aktrısa da ústine ton kıip alǵan. Úshinshiden, ol negizi Keıt Ýınslet emes, onyń dýbleri. Ózge adamdarmen daıyndyq jasaý sebebi, jaryqty qalaı túsirgeni durys ekenin aldyn-ala anyqtap, daıyndap alý.
Zıaly qaýym ba? Joq, estimedińizder me?
Keıt Ýınslet fılmdegi keıipkerindeı tentek edi. Ózgelerdiń bári túsirilim kezindegi salmaqty kóriniske daıyndalyp, rólge kirip, ózderin baıypty ustap tursa, Keıt erkelep, kóńil kóterip tur.
Sońǵy "ósıet"
Keıipkerlerdiń turysyn mılımmetrine deıin eseptep, baqylap, bárin Kemeron jeke ózi rettestirip jatyr.
Syrdyń sýy sıraǵynan kelmeıdi
Jaraıdy, sıraqqa deıin emes, belge deıin. Biraq degenmen tereń emes qoı, ıá? Fılmniń sońǵy kórinisteri. Roýz ben Djektiń sýda qalýy. Tereńdigi bir metrdeı rezervýarda túsirilgen. Sondyqtan, akterler júzip qana qoıǵan joq, sonymen qatar, "muhıttyń" túbinde tizesimen eńbektedi de.
Negizi, bar marapatty Kemeronǵa berý kerek. Ol basynan-aıaǵyna deıin sýda keıipkerlermen birge "júzip júrdi". Shynyn aıtqanda, olardan sál aıyrmashylyǵy boldy, árıne. Akterlerge qaraǵanda jylyraq kıinip, sý kirmeıtin shalbar, aıaq kıimmen júrdi.
Qazir senen sýǵa ketken qatyp qalǵan adam jasaımyz
Túsirilim kezinde bári sý boldy. Tipti bet árleýshiler de. Keıde dál sýdyń ortasynda keıipkerlerdiń boıaýyna túzetý engizýge týra keldi.
Sý prosedýralary
Djeıms Kemeronnyń árbir dáldikke kenedeı qadalatynyn endigi túsingen de shyǵarsyzdar? Fılm barynsha shynaıy, al akterlerdiń emosıalaryn keremet etip túsirgisi kelgeni sonsha, ol tipti batyp bara jatqan "Tıtanık" kórinisin muzdaı muhıt sýynda túsiremiz dep sheshti.
Akterler fılmdegideı rasymen de ólgenshe qatyp qalmas úshin, túsirilim alańyna ystyq sýy bar vanalar ákelip qoıdy. Túsirilim arasynda akterler júgirip baryp, ystyq vanaǵa jylynyp otyrdy. (Joǵarydaǵy sýrette Dı Kaprıo ystyq sýǵa jylynyp jatqan áriptesiniń kóńilin kóterip otyr)
Ol azdaı, barlyq keıipkerlerge gıdrokostúmder taratty. Olar onyń astynan jylý saqtaıyn ish kıimder kıip aldy. Dı Kaprıo oǵan túk qarsylyq bildirmedi. Sol sebepti, fılmniń keıbir jerlerinde ol anaǵurlym "etti" bolyp kórinedi. Ózin sál tolyq dep sanaıtyn Ýınslet ekranda yńǵaısyz bolyp kórinemin dep ýaıymdady. Sóıtti de, gırdrokostúm obrazǵa kirýime kedergi jasaıdy dep, ony kıýden bas tartty. Jylý saqtaıtyn kıimsiz uzaq ýaqyt júrgen tek Keıt boldy. Nátıjesinde, aktrısanyń ókpesi qabynyp ketti.
Bul sýretter "Tıtanık" týraly kózqarasyńyzdy ózgerpegen shyǵar dep úmittenemiz. Degenmen, kadrdan tys sátter kópshilikke qyzyq qoı. Solaı emes pe?
Derekkóz: neskychno.com
Usynǵan: Maqpal Sembaı
Pikir qaldyrý