Astana qalasynda Nursultan Nazarbaev tóraǵalyǵymen "Nur Otan" partıasynyń XVIII sezi ótip jatyr. Sıez partıanyń 20 jyldyq mereıtoıyna oılastyrylǵan, dep habarlaıdy Qamshy.kz aqparat agenttigi.

Sıez barysynda Nazarbaev halyqtyń áleýmettik jaǵdaıyna kóbirek toqtaldy. Jalaqy men kóp balaly otbasylar úshin járdemaqyny ósirý, ıpoteka nesıesi 2-3 paıyz bolatyn turǵyn úı salý máselelerin aıta kele Elbasy bılik pen halyqtyń jaqyn bolýy kerektigin qatań eskerdi. 

Nazarbaev ákimderdi kórsetkish qýalap, popýlızmmen aınalyspaýǵa shaqyrdy. Elbasynyń paıymynsha, mańyzdysy esep emes, aımaqtaǵy halyqtyń jaǵdaıy. Prezıdent ákimderdiń halyqpen kezdesý formatyn aýystyrý kerektigin jáne bolashaqta kezdesýlerdi qalaı ótkizý kerektigin oılastyrýdy surady.

"Qazir ákim jylyna bir ret esep beretin boldy. Bul ne degen sóz? Ákim halyqpen bir kún emes, kúnde kezdesýi kerek. Halyqpen kezdesý úshin bir jyl kútýdiń qajeti qansha?!" - dedi Nursultan Nazarbaev. 

Jalpy, búgingi sezdiń kún tártibinde myna tórt másele qaralady:

-Partıanyń 2030 jylǵa deıingi baǵdarlamasyn qabyldaý;

-Partıanyń quramyna ózgerister men tolyqtyrýlar engizý.

-Saıası quramnyń jumysyna baǵa berip, ortalyq komısıanyń jumysymen tanysý. Saıası keńes pen ortalyq baqylaý komısıasynyń jańa quramyn bekitý.

-Sezd jumysy saǵat 14.00-de aıaqtalady.

Usynǵan: Gúlim Jaqan