12.03.2019 j.                                            Almaty qalasy

Almaty qalasy Qoǵamdyq densaýlyq basqarmasynyń basshysy Qanat Tósekbaev Qoǵamdyq keńes otyrysynda «2019 jylǵa Almaty qalasynyń densaýlyq saqtaý júıesin damytý» jol kartasynyń tusaýyn kesti.

Kezdesý sheńberinde Qanat Tósekbaev basqarmada densaýlyq saqtaý júıesin jetildirý jáne jańǵyrtý boıynsha birqatar is-sharalar júrgizilip jatqanyn aıtty. Medısınalyq uıymdardyń basshylaryn menedjment baǵdarlamasy boıynsha, sapaly basqarýshy quram qalyptastyra otyryp daıarlaý bastaldy. Búgingi tańda basshylarǵa arnalǵan 70 KPI ındıkatorlary bekitildi jáne eńbek shartyna engizildi. Medısınalyq mekemelerde gospıtáldyq servıs boıynsha oqytý júrgiziledi, onyń barysynda almatylyq dárigerler usynylatyn medısınalyq kómektiń sapasyn barynsha arttyryp, medısınalyq qyzmetter naryǵynda básekelestikti qamtamasyz etedi.

Budan bólek, basqarma basshysynyń aıtýynsha, ana men bala qaýipsizdigi boıynsha, medısınalyq-sanıtarıalyq alǵashqy kómek jumysy boıynsha, ońaltý qyzmeti jáne t.b. boıynsha oqytýlar júrgiziledi.

Aıqyndylyq pen ashyqtyqty qamtamasyz etý úshin, sybaılas jemqorlyqtyq kórinisterdi eskertý maqsatynda medısınalyq uıymdardyń qarjy aǵymyna baqylaý jáne monıtorıń júrgiziledi. Turaqty negizde saıtta uıymdardyń tabystary men shyǵystary ornalastyrylady, onlaın rejımde bos basshy laýazymdaryna taǵaıyndaý kezindegi suhbattasýlar kórsetiledi, sondaı-aq, dárilik zattar men jabdyqtardy satyp alý sharalaryn ornalastyrý da qarastyrylyp otyr.

Dárilik zattardy elektrondyq satyp alýǵa arnalǵan platforma qurylýda, jergilikti búdjetten satyp alynatyn dárilik preparattardy berýge arnalǵan dárihana robotyn ornatý jónindegi joba iske asyrylýda. Aqysyz negizdegi mundaı jumystar Almaty onkologıa ortalyǵynda, balalar aýrýhanalarynda, sonymen qatar qalalyq revmatologıa ortalyǵynda ornatylatyn bolady.

Búgingi tańda 1,6 mln. asa elektrondyq densaýlyq pasporttary qurylǵan, sıfrlandyrýdy engizý oń nátıjelerin berdi: emhanaǵa barý 2 esege deıin azaıdy, kezekte turý da 2 esege deıin qysqardy. Sonymen qatar, elektrondyq pasporttardy engizýmen barlyq jekemenshik medısınalyq uıymdar qamtylatyn bolady.