Qasym-Jomart Toqaevty bilikti dıplomat retinde bárimiz bilemiz, biraq onyń eńbek jolyn qashan, qaıda bastaǵanyn bile bermeımiz. Ol  jaýapkershiligi joǵary dıplomatıalyq qyzmetin Orta Azıadaǵy syrtqy qarym-qatynas, saıası reformalardyń jasalýyna tikeleı aralasýdan bastady. Sonyń ishinde jas dıplomat Q. Toqaev Qytaı men Keńes Odaǵynyń arasyndaǵy dıplomatıalyq qarym-qatynastyń sátti júzege asyrylýynyń kýágeri boldy.  

Ol dıplomatıalyq eńbek jolyn 1970 jyly SSRO kezinde Máskeý memlekettik halyqaralyq qatynastar ınstıtýtynda oqyp júrgende Qytaıda oqý tájirıbesinen ótýden bastady. 

Keıin, 1983 jyly Pekın lıngvısıkalyq ınstıtýtynan taǵylymdamadan ótedi.

Osylaısha, ol dıplomatıalyq eńbek jolyn 1985-1991 jyldar aralyǵynda Qytaıdaǵy Keńes Odaǵynyń elshiliginde qyzmet etýden bastady.

Onyń Qytaıdaǵy keńestik elshilikte isteýi dıplomatıa jolynda birden úlken tájirıbe jınaýǵa múmkindik berdi. Sebebi, 1980 jyldardyń aıaǵynda Qytaı Keńes Úkimetiniń syrtqy saıasatynyń eń qıyn jáne mańyzdy baǵyttarynyń biri bolatyn. Alaıda, sátti dıplomatıalyq qarym-qatynastyń arqasynda eki el arasynda shıelenisken máseleler sheshilip, jańa saıası reformalar ornaı bastady. 

Toqaev sol kezdegi Qytaıdyń saıası reformalaý, memlekettik júıesin qalyptastyrý jáne jańa ekonomıkalyq modelge aýysý kezeńin tikeleı baqylaı aldy. Qytaıdyń damýshy kedeı elden álemdik ekonomıkalyq alpaýytqa aınalýy sıaqty sátti reformasynyń kýágeri retinde «memleketti modernızasıalaýdy» júıelerin jaqsy biledi. 

Birqatar jyldar Keńes Odaǵynyń Qytaıdaǵy elshiliginde qyzmet atqarǵan dıplomat qytaı tilin erkin meńgergen, qytaıdyń mentalıtetin, eldi damytý logıkasyn jaqsy túsinedi.

Toqaevtyń SSRO quramynda keńes-qytaı elshiliginde qyzmet etýi Qazaqstannyń shyǵystaǵy kórshimizben tyǵyz dostyq qarym-qatynas ornatýǵa sebepker boldy.