Qytaı ǵalymdary aspan júıesine jasandy aıdyń maketin ushyrmaq dep jazady Qamshy.kz aqparat agenttigi.

Jasandy jer serigin iske qosýdan kózdeletin basty maqsat - ǵalamshardyń jaryq bóligindegi kún sáýlesine shaǵylysýy nátıjesinde táýliktiń túngi ýaqytynda qalany kúndizgideı jaryq etý. Alǵashqy tájirıbe jumystaryn júrgizý úshin Qytaıdyń ońtústik-bastysynda ornalasqan 11 mıllıon turǵyny bar Chendý qalasy tańdalyp alynǵan.

Joba avtorlarynyń aıtýynsha, joba iske qosylsa, jylyna 170 mln dollar kóleminde memleket qarajatyn únemdeýge múmkindik beredi.

Alǵashqy "aı" ǵaryshqa 2020 jyly ushyrylmaq. Eger barlyǵy oıdaǵydaı júzege asar bolsa, 2022 jylǵa qaraı taǵy 3 jer serigin ushyrý kózdelip otyr.

Qytaı jasaǵan "aıdyń", Qudaı jasaǵan aıdan aıyrmashylyǵy sol, ol naǵyz aıǵa qaraǵanda 8 ese mol jaryq taratady-mys. Joba ınjenerleriniń sózine sensek, bul qurylǵy túnde tirshilik etetin jan-janýarlarǵa múlde zalaly tımeıdi.  Jasandy jer seriginiń qandaı kólemde bolatyny týraly ázirge naqty aqparat joq, al jaryqtandyrýǵa qaýqarly aımaǵynyń kólemi – 10 shaqyrymnan 80 shaqyrymǵa deıin sozylýy múmkin.

Aýdarǵan: Dáýren Sybanbaı