Eınshteınniń atyn estimegen adam az shyǵar. Onyń ǵylymǵa qosqan súbeli úlesi, adam quqyǵy úshin ómir boıy jasaǵan kúresi syılaýǵa turarlyq. Ǵalymnyń taǵy bir ereksheligi – ómir boıy aıaǵyna shulyq kımegen.
Áńgimeni shulyqtan bastaıyq. Sizderge de qyzyq bolyp otyrǵan erekshelik osy bolar, bálkim. Eınshteınniń ekinshi áıeli Elza qaıtys bolǵannan keıin ǵalymdy óziniń qalaı kıinip júrgeni oılandyrmaǵan sekildi.
Jas kezinde jarqyraǵan jigit retinde tanylǵan jáne árdaıym erekshe taza ári jarasymdy kostúmder kıinip júrgen. Soǵan qaraǵanda, ǵalymnyń áıeli onyń syrtqy kórkine qatty mán berse kerek.
Elza dúnıeden ótkennen keıin Eınshteınge Prınston ýnıversıtetinde profesor ataǵyn berdi. Osy qyzmetinen bastap áıgili ǵalym sándi kıinýdiń ornyna yńǵaıly, yqsham kıine bastady. Ǵalymnyń bul ózgerisi kóptegen adamnyń qyzyǵýshylyǵyn týǵyzdy. Endi she? Aldyńyzda sporttyq jeıde men shulyqsyz súıretpe kıip bara jatqan profesor kórseńiz, siz de kúletin shyǵarsyz.
Albert Eınshteın jańa qyzmetke kiriskennen keıin taǵy da ózge nárselerge ýaqyt taba almaıtyn adamǵa aınalady. Ózgelerdiń ol týraly qandaı pikirde ekeni týraly oılanýǵa murshasy da joq edi.
Ǵalym ómiriniń sońǵy jyldarynda násilshildikke qarsy kúresip, belsendi túrde azamattyq quqyqty taptaýdy birjola joıýǵa kirisken. Dál osy maqsatymen ómirde ótti.
Aýdarǵan: Ádilet Mádenıet
