«Qazaqstan arýy 2019» tıtýlyn pavlodarlyq Mádına Batyq jeńip aldy dep habarlaıdy Qamshy.kz aqparat agenttigi ktk.kz saıtyna silteme jasap.

«Qazaqstan arýy - 2019» baıqaýy NOMAD City Hall sahnasynda ótti. Qazylar alqasy elimizdiń barlyq óńirinen qatysqan 32 arýdyń tek 5-eýin sýper-fınalǵa shyǵardy.

Olar úsh tapsyrmany oryndady: ózin tanystyrý, kıim úlgisin kórsetý jáne qysqa metrajdy fılm arqyly óz óńiriniń týrısik áleýetin pash etý.

Konkýrs barysynda jeńimpazǵa qymbat baǵaly tastarmen, injýmen bezendirilgen táj kıgizilip, úsh mıllıon teńge kóleminde aqshalaı syılyq tapsyryldy.

Sondaı-aq, boıjetken joǵary sapaly brendtermen kóptegen jarnamalyq kelisimshart, Parıjge joldama jáne elimizdiń atynan «Álem arý» baıqaýyna qatysýǵa múmkindik aldy. 

Birinshi vıse-mıss bolyp Dıana Ábisheva atandy. Ol Qazaqstan atynan "Ǵalam arýyna" qatysady.

Ekinshi vıse-mıss Nadejda Nedosekına, úshinshi vıse-mıss Sánıa Merǵalıeva boldy.

Halyqtyq daýys berý men qazylar alqasynyń pikiri boıynsha úzdik bestikke: Dıana Ábisheva (Almaty), Sánıa Merǵalıeva (Nur-Sultan), Madına Batyq (Pavlodar), Nadejda Nedosekova (Semeı) jáne Baljanat Anas (Shymkent) kirdi.

Usynǵan: Maqpal Sembaı