Qyzoınaq pa álde jynoınaq pa? Bul kúnde uzatylar aldynda qalyńdyqtar qurbylarynyń basyn jınap kesh ótizýdi ádetke aınaldyrǵan. Árıne, mundaı sharany jaman dúnıe deýge aýyz barmaıdy. Biraq shekten shyǵyp, ádepten asatyndarǵa qarap bul jaıly bir sát oılanady ekensiń. Jańadan beleń alǵan shoýdyń artyq-kemi jaıly Eýrazıa birinshi arnasy habarlaıdy.

"Qyzoınaqtar bul kúnderde kóp deıdi, Oıbaı-oıbaı, bola bersin kóp. meıli!. Artyq shyǵyn bolsa daǵy qyzdarǵa, Qosymsha tabys bizge kóptik etpeıdi". Iá, "devıchnık" uıymdastyryp júrgenderdiń bul kúngi urany osy ma, dersiń. Qazaqstandyq qalyńdyqtarǵa unap jatqan jańa úrdis, qomaqty qarajattyń kózine aınalǵan.  

EKATERINA MIHEL, MEIRAMHANALAR JELİSİNİŃ ART DIREKTORY:

– Devıchnıkti uıymdastyrýdy tolyq qolymyzǵa alsaq, shamamen 90 myń teńgeden bastalady.  Baǵaǵa shekteý joq. Qalyńdyq pen qurbylarynyń qoıǵan talaptaryna qaraı mıllıon teńgege deıin kete beredi. Onyń ishine obrazdar oılap tabý, konserttik baǵdarlama, júrgizýshiniń bolýy, dastarhan taǵy basqalar kiredi. Bizdiń qyzdar qazir ózin hanshaıym sezinedi ǵoı. Lımýzın kerek, fotograf, vıdeo qajet dep barlyǵyn túgel qamtyǵysy keledi jáne barlyǵyn tań qaldyrýdy da oılaıtyndaı.

Shoý degennen shyǵady. Jaqynda ánshi Lýınanyń boıdaq kúnderimen qoshtasý keshi ótti. Aıtary joq, ol sharany erinbegenniń bári kórip, talqylady. Qurbylarynyń basyn qosyp ótkizgen qyzoınaqtyń quny ájeptáýir bolǵanǵa uqsaıdy. Bireýdiń teńgesin talqylaýdan aýlaqpyz. Degenmen, osy patıdiń kópshilik kózine iligýine myna jigitter sebep boldy. Ýqalaý-sıpalaýmen aınalysatyn mamandar dep tanystyrypty. Ýqalady ma, joq álde jáı ǵana sıpalaýmen aınalysty ma, bir Qudaı biledi. Biraq, mundaı ashyqtyq qoǵam narazylyǵyna tap boldy.

«Bul ne degen qýanysh, bul ne degen baqyt!».

Biraz ýaqyttan beri túrli sharalardy uıymdastyryp júrgen myna Symbat qyzdardyń talǵamy taýdaı ekenin aıtady. Keıbiri tipti strıptız bıleıtin "batyrlar" kerek dep suraıtyn kórinedi. Biraq, bul kisiler "ádepten aspaımyz" dep bas tartyp keledi eken. Al stıldiń túr-túri bar.

SYMBAT TYNYSBEKOVA, TOI UIYMDASTYRÝ ORTALYǴYNYŃ MAMANY:

– Kóbinese zamanaýı eýropalyq stılde, Mysaly eýropalyq jáne shyǵys stıline eliktep jatady qyzdar. Túnde kıetin sorochkalar jáne fatalar arnaıy stılde tapsyrys berip jatady.  Qyzdyń qurbylary basqa keshterge qaraǵanda erekshe bolǵanyn qalaıdy.

Jaqynda jelide jeldeı esip taralǵan qyzoınaqtardyń birin aktrısa, bloger atanǵan Aıym Seıtimetova ótkizdi. Onyń keshiniń «mafıa» stılinde bolǵanyna myna vıdeolar dálel. Arab, shyǵys, tipti, myna mafıa bylaı tursyn, jerleý stılin tańdaıtyndar da bar eken.

EKATERINA MIHEL, MEIRAMHANALAR JELİSİNİŃ ART-DIREKTORY:

– Bul oqıǵany maǵan áriptesim aıtyp berdi. Jerleý rásimi kezinde qosylatyn áýen oınaǵan. Sol sátte qalyńdyqty  tabytqa salyp kirgizedi. Iaǵnı, qurbylary onymen osylaı qoshtasyp jatyr eken   devıchnık kezinde.  Budan basqa da mysaldar jetip artylady. Mysaly, mysyq bolyp kıinedi, hanshaıymdar bolyp túrlenedi. Aıta berseń kóp. Keıbir qyzdar strıptız bıleıtin jigitterdi de shaqyrady. Biraq, ótkizip jatqan sharalary jaıynda tis jarmaýyn ótinedi. Biz kelýshilerdiń kóńilinen shyǵý úshin kez kelgen talap-tilekterin oryndaımyz.  

Jańa ómirdiń aldynda qalyńdyqtyń jaqyn degen qurbylaryn jınap otyrys jasaýynda turǵan ne bar dersiz? Árıne, bireýdiń jeke ómirine aralasyp, aqyl aıtýdan ári jón silteýden aýlaqpyz. «Ádepten aspaǵan, armanǵa bastaǵan, jan-jaǵym dos qurby, jan-jaǵym jaqsy adam» dep kóńildi kesh ótkizý ersi dúnıe emes. Dese de qarakózderimiz sol ádepten aspasa eken deımiz.

«Dúnıe qarap tursam sholaq eken, adamdar bir-birine qonaq eken. Barynda oralyńnyń oına da kúl, qyzyǵy bul ómirdiń sol-aq eken».