Ortalyq memlekettik mýzeıde 17 qazanda Almaty ákimdiginiń qoldaýymen Qazaqstannyń tanymal sýretshisi ári músinshisi Baqytjan Ábishevtiń «Dala daýysy» atty memorıaldy kórmesi ashylady, dep habarlaıdy ákimdiktiń baspasóz qyzmeti.

B. Ábishev 1970 jyldan stýdenttik, respýblıkalyq, búkilodaqtyq jáne halyqaralyq kórmelerge qatysyp keledi, ol kóptegen konkýrstardyń laýreaty ári áıgili monýmentaldy jumystardyń avtory, olar: Almatydaǵy Jambyl men Toqash Bokınniń, Jańaqorǵandaǵy UOS qurbandarynyń, Aqtóbedegi Álıa Moldaǵulovanyń, Baıanaýyldaǵy Buhar jyraýdyń, M. Kópeevtiń, S. Toraıǵyrovtyń, Qaraǵandydaǵy S. Seıfýlınniń eskertkishteri, sonymen qatar Almatydaǵy ál-Farabıdiń, Mahambettiń, Kúlásh Baıseıitovanyń, jazýshy Á. Sháripovtyń, Astanadaǵy Ata Túrik pen Jaıaý Musanyń bústeri jáne basqalary.

Bildek janry sheberiniń kóptegen jumystary Qazaqstan men shetel mýzeılerine qoıylǵan. Lozannadaǵy Olımpıada komıtetiniń shtab-páterinde «Olımpıes», Germanıadaǵy jeke koleksıada «Kúıshi», Máskeýde «Tomırıs» syndy týyndylary bar.

Baqytjan Ábishev Atyraýda Mahambettiń 200 jyldyq mereıtoıyna arnap qazaq halqynyń kemeńger uldary, ulttyq batyrlary Mahambet Ótemisov pen Isataı Taımanovtyń at ústindegi erekshe monýmentin jasaǵan.

B. Ábishevtiń shyǵarmashylyǵy halyqqa jáne ónerdi baǵalaıtyndarǵa keńinen tanys. Qazaq halqynyń tarıhy, onyń kórnekti qaıratkerleriniń ómiri músinshige tym jaqyn ári onyń shyǵarmashylyǵynyń basty negizi. Ol tarıhı tulǵalar men ulttyq batyrlar obrazdaryn jasaý jáne olardyń erekshelikterin kórsetý arqyly elimizdiń kórkemónerine aıtarlyqtaı úles qosty.

Avtor óz shyǵarmalaryn jasaý barysynda túrli kompozısıalyq jáne jıvopısti plasıkalyq zattar men ádisterdi qoldanady. Onyń «Ana portreti», «Kúıshi», «Ýran», «Qulager», «Umaı», «Tomırıs», «Betashar», «Búrkitshi», «Batyr» syndy eńbekteri keńinen tanymal.

Kórme 2019 jyldyń 30 qazanyna deıin jalǵasady.