Eki adamnan koronavırýs anyqtalǵan Almatyda dál qazir tótenshe jaǵdaı jarıalaýǵa negiz joq. Bul týraly Qazaqstan densaýlyq saqtaý mınıstri Eljan Birtanov aıtty.
“Qazir qalada tótenshe jaǵdaı jarıalaýdy jergilikti ákimdik sheshedi. Árıne, biz olarmen baılanystamyz. Biraq dál qazir tótenshe jaǵdaı jarıalaýǵa negiz joq. Eger koronavırýs juqtyrǵandar sany ósse, tótenshe jaǵdaı jarıalanýy da múmkin” dedi Birtanov.
Búgin Germanıadan kelgen eki Qazaqstan azamatynyń koronavırýs juqtyrǵany anyqtalǵan bolatyn. Olar qazir Almatydaǵy ınfeksıaǵa qarsy karantındik stasıonarǵa jatyr. Mınıstrliktiń dereginshe, vırýs juqtyrǵan eki qazaqstandyqtyń biri 1974 jyly, ekinshisi 1984 jyly týǵan.
Pikir qaldyrý