Densaýlyq saqtaý mınıstri Eljan Birtanov qazaqstandyqtarǵa túrli jıyndar men toılarǵa barmaýǵa keńes berdi. Bul týraly mınıstr "Koronavırýstyq ınfeksıa boıynsha aǵymdaǵy jaǵdaı" atty brıfıńte aıtty. 

"Qazir jaǵdaı qıyn. Bizdiń dárigerlerge qoldaý kerek. Sebebi olar juqpaly aýrýlarmen tikeleı jumys istep jatyr. Tek qana dárigerler emes, bizdiń shekarashylar da, polısıa qyzmetkerleri de qajetti jumystaryn istep jatyr. Múmkindiginshe, biz olardy qorǵaýymyz kerek. Sebebi olar da basqa azamattarmen baılanysqa túsedi. Basqa azamattarǵa osy juqpaly aýrýdy taratsa, bul kúrdeli máselege aınalady. Eń tıimdi aldyn alý sharasy - gıgıenany saqtaý jáne ızolásıa. Múmkindik bolsa, qajetsiz kezdesýge, merekelerge, toılarǵa qatyspaı úıde otyraıyq. Onda kitap oqyp, kıno kórińiz. Qazir sondaı usynystar túsip jatyr. Men muny "óte jaqsy usynys" dep oılaımyn. Múmkindik bolsa, usynysty qoldańyz. Sonda bári durys bolady dep senemin", - dedi mınıstr.