Qazaqstanda koronavırýs ınfeksıasy bar taǵy eki naýqas anyqtaldy. Bul týraly Densaýlyq saqtaý mınıstrliginiń ókili Dıas Ahmetsharıp habarlady.
"Shuǵyl aqparat, dál qazir belgili bolǵandaı, Almaty qalasynda taǵy bir adam koronavırýs indetin juqtyrǵany anyqtaldy. Ol – 1958 jylǵy er azamat, jeke kásipker. Ol Máskeýden 10 naýryz ushyp kelgen. Qazirgi kezde ol azamat stasıonarda karantınde jatyr", - dedi mınıstrliktiń resmı ókili Dıas Ahmetshárip.
Sondaı-aq Nur-Sultandaǵy áıelden koronavırýs anyqtalǵan. Ol Varshavadan ushyp kelgen.
Qazaqstanda koronavırýs juqtyrǵandardyń sany altaý boldy. Buǵan deıin úsh almatylyqtan, bir astanalyqtan koronavırýs anyqtalǵan bolatyn.
Pikir qaldyrý