Koronavırýs ınfeksıasynyń aýrý belgileri joq formasy oń nátıje kórsetken jaǵdaıda – bul shaǵymdardyń jáne klınıkalyq belgilerdiń bolmaýy, ókpeni ınstrýmentaldy (aspapty) kózben sholý kezinde patologıalyq ózgerister bolmaıdy.

COVID-19 aýrý belgileri joq formasyn juqtyrǵan adamdar ınfeksıany taratýshy kózi bolyp tabylady, sonymen birge, olarda 14 kúndik baqylaý kezinde klınıkalyq belgiler baıqalýy múmkin.

Koronavırýs ınfeksıasyna dıagnostıka eki tásilmen júrgiziledi: espress-testileý júrgizý jáne PTR tekserý arqyly. Ekspress testter qan tapsyrý arqyly alynady, al PTR dıagnostıkalaý úshin muryn qýysy men jutqynshaqtan bıologıalyq materıal alynady.

Koronavırýs ınfeksıasyna testileýdi kelesi zerthanalarda ótýge bolady:

• «Ulttyq saraptama ortalyǵy» (Jibek Joly kóshesi 3); PTR ádisimen COVID-19 testiniń quny – 11 500 tg, nce.kz saıty arqyly onlaın túrde jazylýǵa bolady; tel. 382-35-65
• «Medical Partners Korea Clinic» (MPK) JSHS ońtústik koreılik mobıldi skrınıng-ortalyq (ál-Farabı dańǵylynan tómen, Qazybaev kóshesinen kirýge bolady, «Nurly taý» BO); qyzmet quny – 15 500 tg, onlaın jazylý mpk.kz saıty arqyly júrgiziledi, tel. 355-41-00
• «OLIMP» klınıkalyq-dıagnostıkalyyq zerthana, (Gagarın kóshesi, 236b, Halıýllın kóshesi, 32, Baıqazov kóshesi, 221/155, Jandosov kóshesi 1V, Seıfýllın kóshesi, 549) PTR arqyly testtiń quny – 15 400 tg+qan tapsyrý 540 tg, onlaın jazylý kdlolymp.kz saıty arqyly júrgiziledi; 259-79-69
• «Medıker» JSHS (Sátpaev kóshesi, 18A); PTR ádisi arqyly testtiń quny – 19 000 tg; mediker.kz saıty arqyly onlaın jazylý júrgiziledi; 311-51-16

«Atakent» QİYO aýmaǵyndaǵy jańa zerthanada koronavırýsqa testten kelesi azamattar tegin óte alady:

• jumyssyzdar;
• az qamtylǵan jáne kópbalaly otbasylardyń músheleri;
• múmkindigi shektelgen adamdar;
• stasıonarǵa josparly túrde jatqyzylatyn pasıentter;
• Tynys alý, endokrındik jáne júrek qan tamyrlary júıesi boıynsha dınamıkalyq baqylaýda turǵan 50 jastan asqan pasıentter.

1. Koronavırýs ınfeksıasyna testten oń nátıje alǵan jaǵdaıda jáne aýrý bergileri bolmasa tirkelgen emhanaǵa habarlasý kerek nemese úıden shyqpaı 3000-103 nomeri arqyly call-ortalyqqa habarlaý qajet.

Aýrý belgileri joq formany juqtyrǵan azamattar úı jaǵdaıynda AMSK ýchaskelik dárigerleriniń baqylaýynda Bas Memlekettik sanıtar dárigerdiń Qaýlysyna sáıkes epıdemıaǵa qarsy rejımdi saqtaý arqyly baqylaýǵa alynady.

Medısınalyq baqylaý kelesi algorıtmge sáıkes júrgiziledi:
• kúndelikti eki ret qońyraý shalý;
• jalpy jaǵdaıyn baǵalaý, temperatýra, shaǵymdaryn anyqtaý (jótel, tynys alýynyń qıyndaýy, álsizdik, tershsheńdik, ishtiń kebýi, bórtpe, mıalgıa jáne basqalary)
• satýrasıa (múmkindiginshe)
• qajet bolǵan jaǵdaıda vıdekeńes berý, úsh kúnde bir retten kem emes

Aýrý belgileri joq azamattar oqshaýlanýdyń onynshy kúni muryn qýysynan alynǵan juǵyndynyń PTR nátıjesi boıynsha bir ret teris nátıje shyqsa, medısınalyq baqylaýdan alynady. PTR nátıjesi oń shyqsa, medısınalyq baqylaý 14 k.nge deıin sozylady, odan keıin aýyrǵan adam belgileri joq bolsa, medısınalyq baqylaýdan alynady.

1. Klınıkalyq belgileri damyǵan kezde (dene qyzýynyń kóterilýi, jótel, tynys alýdyń qıyndaýy) baqylaý kezinde naýqas ınfeksıalyq stasıonarǵa joldanady.

Dene qyzýy úsh kún boıy 38,5°S bolǵan, satýrasıasy keminde 95 paıyz bolǵan, ókpeniń qabyný belgileri bolǵan jaǵdaıda (eki ókpenisiniń de ózgerisi 25 paıyz bolǵan jaǵdaıda) naýqastar aýrýhanaǵa jatqyzylady.

Sonymen birge stasıonarǵa sozylmaly aýrýlary bar, sonymen birge gemodıalız sharalary qajet ımýndyq jetispeýshiligi bar jasy 65-ten asqan naýqastar joldanady.

COVID-19 belgileri anyqtalǵan azamattar jataqhanalarda turatyn bolsa jáne jastary 65 asqan bolsa, olar da aýrýhanaǵa jatqyzylýy tıis.

2. Koronavırýs ınfeksıasynyń aldyn alý úshin:
• Adamdar kóp jınalatyn oryndardan aýlaq júrý;
• Qoǵamdyq oryndarda, qoǵamdyó kólikterde maska taǵý
• Qoldy taza ustaý kerek;
• Áleýmettik qashyqtyqty saqtaý kerek

Sonymen birge, koronavırýs ınfeksıasynyń taralý qaýpi áldeqaıda joǵary oryndar ataldy. Olar: keńseler, mektepter jáne balalar baqshasy, tamaqtaný oryndary men basqa da jabyq oryndar.