Prezıdent Qasym-Jomart Toqaev Semeıge jumys saparymen keldi. Bul týraly prezıdenttiń baspasóz hatshysy Berik Ýálı habarlady.
"Memleket basshysy Qasym-Jomart Toqaev Semeıge jumys saparymen keldi. Sapar barysynda Prezıdent «Uly aqyn Abaı uldarymen» eskertkishiniń ashylý saltanatyna qatysyp, Abaıdyń «Jıdeli-Bórli» memlekettik tarıhı-mádenı jáne ádebı-memorıaldyq qoryq-murajaıyn aralap kóredi.
Sonymen qatar «Qaraǵaıly» yqsham aýdanyndaǵy qurylys jumystarymen tanysady.
Budan bólek aqynnyń sırek kitaptar qorynyń kórmesin tamashalap, «Abaı álemi» serıasymen shyqqan kitaptardy kórip, abaıtanýshy ǵalymdarmen kezdesedi.
Qasym-Jomart Toqaev sapar sońynda Jıdebaıǵa baryp, «Abaı-SHákárim» memorıaldyq kesheni men aqynnyń murajaı-úıiniń tynys-tirshiligimen tanysady" delingen jelidegi jazbasynda.
Pikir qaldyrý