Tez-tez. Koreıanyń ońtústik bóliginde osyndaı mádenıet qalyptasqan. Buǵan jýyrda ǵana «Sedjon-Evrazıa» halyqaralyq medısınalyqklınıkasy uıymdastyrǵan baspasóz týry barysynda kóz jetti. Medısına týrızmin damytýúshin Almaty qalalyq Densaýlyq saqtaýbasqarmasy Ońtústik Koreıanyń 4 jetekshiklınıkasymen yntymaqtastyq týralymemorandýmǵa qol qoıǵan. Osy eki jaqty kelisimaıasynda almatylyq jýrnalıserge OńtústikKoreıanyń medısınasynyń jetistikterimentanysýǵa múmkindik týdy. Qazaqstan men OńtústikKoreıa arasynda alǵashqy dıplomaıalyq qarym-qatynas 1991 jyldan bastaý alady. Qazir eki el arasynda saıası, ekonomıkalyq, mádenı jánemedısına salalarynda yntymaqtastyq kúsheıgen.Sedjon gospıtali júrek-qantamyrlary ortalyǵy, Seýl áıelder klınıkasy, Hangıl oftolmologıalyq klınıkasy jáne Ýrıdıl omyrtqa aýrýlary klınıkasyny baryp emdelgen jerlesterimizdiń sany jyl saıyn artyp keledi. «Sedjon-Evrazııa» halyqaralyq madısınalyq klınıkasynyń málimetinshe, 2015 jyly 25 myń qazaqstandyq Koreıaǵa emdelýge barǵan. Sondaı-aq sońǵy bes jylda jaǵdaıy tómen otbasynda turatyn naýqasy aýyr 4 bala qaıyrymdylyq negizinde tegin emdelgen.

Baýyrlas qalalar arasyndaǵy baılanys medısına salasy qyzmetkerleriniń biliktiligin arttyrý úshin tájirıbe almasýǵa jol ashpaq. Osy baǵyttaǵy jumystardy tereńdetý úshin aldaǵy ýaqytta Almatydan Seýlge tájirıbeden ótý úshin mamandardy jiberý josparlanǵan. Olar medısınada qoldanylatyn zamanaýı tehnologıalardy tereń meńgerip, biliktiligin arttyrady.

Jalpy, Ońtústik Koreıada, sóz basynda aıtqanymyzdaı, tez-tez degen ustanym bar. Munyń maqsaty – naýqastyń dıagnozyn der kezinde anyqtaý. Bul, birinshiden, naýqas dertiniń dendep ketpeýine sep bolady. Ekinshiden, erte anyqtalǵan aýrýdy emdeý ońaıǵa túsedi. Ol naýqas úshin ǵana emes, dárigerler úshin de tıimdi. Óıtkeni, denege jaıylmaǵan dertti aýyzdyqtaý jeńil. Sondyqtan syrqatty aýyzdyqtaý emniń jartysy deıdi ońtústik koreıalyq dárigerler.

Endi elimizben seriktes 4 ortalyqtyń jumysyna toqtalsaq. Júrek-qantamyrlary ortalyǵy Koreıadaǵy emdeý sharalaryn sapaly, júıeli júrgizetin mekeme. Onda búginde álemniń túkpir-túkpirinen em qabyldap jatqan adamdar jeterlik. Adam denesiniń patshasy júrekti emdeýdiń eń ozyq úlgileri halyqaralyq tájirıbeler qoldanylyp, júrekke ashyq operasıa jasalynady.

Seýl áıelder klınıkasynyń 20 jyldan asa tarıhy bar. Onda áıelderge arnalǵan emniń barlyq túri qarastyrylǵan. Ortalyqta jylyna bala súıe almaǵan 500 otbasy qaralady. Klınıka Kengıdo provınsıasynyń batys bóligindegi akýsherlik-gınekologıalyq baǵytta emdeý sharalaryn júrgizetin jalǵyz ortalyq. Koreıa densaýlyq saqtaý mınıstrliginiń halyqaralyq mártebesin alǵan.

Hangıl oftalmologıalyq klınıkasy Ońtústik koreıanyń kóz aýrýlaryn emdeıtin eń úzdik ortalyq. Ortalyqqa 2015 jyly 802 sheteldik emdelýge kelgen. Sonyń 25 paıyzy qazaqstandyqtar. Jańa tehnologıanyń kómegimen naýqas bir kúnde klınıkalyq tekserýden ótip, sol kúni naýqastyń dıagnozy qoıylady.

Ýrıdıl omyrtqa aýrýlary klınıkasy 34 jyl buryn qurylǵan. Búginde onyń álemniń ár qıyrynda 13 fılıaly jumys isteıdi. Ortalyqta jylyna 5000 ota jasalady. Sheteldik emdelýshiler úshin táýlik boıy bilikti aýdarmashylar qarastyrylǵan. Almaty qalasynan kelgen emdelýshi Hvan Nıkolaı ortalyqtyń qyzmet sapasy týraly aıtyp berdi.  «Qazirgi meniń naýqasymmen egde tartqan adamdardyń kóbisi aýyrady. Jas ulǵaıǵan saıyn omyrtqa aýyryp, otyryp-júrýdiń ózi qıyndyq týdyrady. Massaj jasattym, taǵy birqatar em qabyldap, kóp ýaqyt joǵalttym. Alǵashynda Reseı dárigerlerine emdelgim keldi, tekserý nátıjelerin jiberdim. Olardyń maǵan qoıǵan dıagnozdary, qarym-qatynastary unamady. Odan keıin basqa elderdi qarastyrdym. Maǵan Koreıanyń reabılıtasıasy qatty unady. Olardyń aspa salǵandary da bólek, aspamen aýrýhananyń ishinde qozǵalyp júre berýge bolady. Bul degenimiz jahandaný dáýiriniń jetistigi ǵoı. Áýejaıdan kútip alyp, barlyq jaǵdaıdy jasady. Osy jerge kelgenge deıingi klınıkalar omyrtqańda jaryq (gryja) bar dep shyǵaryp salǵan. Munda sende jaryq joq, stenoz degen dıagnoz qoıdy. Al buǵan eshqandaı massaj, dári kómektespeıdi eken. Jalǵyz jol – tek ota jasaý. Baǵasy da kóńilge qonymdy, asa qymbat emes. Tekserý nátıjesinde maǵan eki ota jasaý kerek boldy. Sol eki otany bir otanyń baǵasymen jasady. Túsingenim, men sıaqty aýyrǵan adamdar dárigerler dıagnozdy durys qoımaǵannan keıin sonyń zardabyn tartyp júr».

Ońtústik Koreıadaǵy medısınalyq mekemelerdiń 90 paıyzy jeke klınıkalar. Biraq olar zań sheńberinde jumys isteıdi jáne tolyqtaı zamanaýı tehnologıamen jabdyqtalǵan. Naryqtyq qoǵamda ómir súretin halqy da qyzmet kórsetý sapasyna qaraı ózderiniń qalaýy boıynsha jeke klınıkalarda emdelýge beıimdelgen. Qyzmet sapasy joǵary, emdeý baǵasy tómen bolǵandyqtan Ortalyq Azıanyń birqatar elderi osy eldiń dárigerleriniń kómegine júginedi.

Nurlan Naýryzalıev «Qazaqstan»

Ulttyq telearnasynyń tilshisi