"QTJ" UK" AQ Balqash jol dıstansıasynyń basshysy ustaldy, dep habarlady bas kólik prokýratýrasynyń baspasóz qyzmeti.

"Bas kólik prokýratýrasy jáne Nur-Sultan qalasy boıynsha ekonomıkalyq tergeý departamentiniń birlesken is-sharalary nátıjesinde "QTJ" UK" AQ fılıalynyń laýazymdy tulǵalarynyń zańǵa qaıshy áreketteri anyqtaldy.

Aǵymdaǵy jylǵy 10 aqpanda "QTJ" UK" AQ fılıalynyń Balqash jol dıstansıasynyń bastyǵy T. esimdi azamat ustalyp, keıin sot sanksıasymen 2 aıǵa qamaýǵa alyndy" delingen habarlamada.

Aldyn ala tergeý boıynsha, ol tergeý barysynda anyqtalǵan laýazymdy tulǵalarmen birge temir jol tósemine kúrdeli jóndeý jumystarynyń jekelegen túrlerin oryndamaý arqyly búdjet qarajatyn jymqyrǵan. Jalpy shyǵyn 92 mln. teńgeden astamdy quraıdy.

Habarlamada sotqa deıingi tergeý amaldary júrgizilip jatqany jáne ózge aqparat tergeý múddesine saı jarıa etilmeıtini aıtylǵan.