Álisher Elisuly Ábdiqadyrov ulttyq ekonomıka vıse-mınıstri qyzmetine taǵaıyndaldy. Bul týraly premer-mınıstrdiń baspasóz qyzmeti habarlady.

"QR úkimetiniń qaýlysymen Álisher Elisuly Ábdiqadyrov ulttyq ekonomıka vıse-mınıstri qyzmetine taǵaıyndaldy" delingen habarlamada.

Al Ermek Amantaıuly Alpysov basqa jumysqa aýysýyna baılanysty ulttyq ekonomıka vıse-mınıstri qyzmetinen bosatyldy.

Álisher Ábdiqadyrov 1986 jyly Almaty qalasynda dúnıege kelgen. Lomonosov atyndaǵy Máskeý memlekettik ýnıversıtetin ekonomıka mamandyǵy boıynsha támamdaǵan.

2009-2015 jyldary QR ındýstrıa jáne saýda, ınvestısıalar jáne damý mınıstrlikterinde jumys istedi.

2015-2016 jyldary Pavlodar oblysynyń ındýstrıalyq-ınnovasıalyq damý basqarmasynyń basshysy qyzmetin atqardy.

2016-2018 jyldary Astana qalasynyń ınvestısıalar jáne damý basqarmasynyń basshysy boldy.

2018-2019 jyldary — Astana qalasy ınvestısıalar jáne kásipkerlikti damytý basqarmasynyń basshysy.

2019-2020 jyldary — "Qazaqstandyq ındýstrıa jáne eksport ortalyǵy" AQ ("Qazaqstandyq ındýstrıany damytý ınstıtýty") basqarma tóraǵasy.

2020 jyldyń aqpan aıynan bastap qazirgi tańǵa deıin Qaraǵandy oblysy ákiminiń orynbasary qyzmetin atqardy.