NASA-nyń "Perseverance" dep atalatyn roveri Marsty barlaýdy áli bastaǵan joq, degenmen fotolar túsirip, Jersharyǵa jiberip jatyr.

Rover Qyzyl ǵalamshardyń Djezero kraterinde beısenbi kúni buryn-sońdy bolmaǵan keremet kadrlardy túsirdi. NASA ókilderiniń aıtýynsha, nátıjeler óte tańqalarlyq.
Osy ýaqytqa deıin roverden kelip jetken 4700-den astam sýret jarıalandy.
"Derekter kóptep kelip jatyr" dedi baspasóz máslıhatynda NASA-nyń operasıalyq qurylǵylar tobynyń jetekshisi Djastın Makı.

Makı rover jibergen fotolardan buryn-sońdy bolmaǵan, tipti kútpegen aqparattardy kórip jatqanyn aıtady.  "Men Marstan kelgen fotolardy kún saıyn qaraımyn.  Kelip jatqan fotolardy kórgende, men shynymen tań qaldym" degen ol rover jibergen fotolardan ejelgi kól túbindegi qum tóbe, tastar men bıiktigi 200 fýttyq jartastardy kórgenin aıtady. Sonymen birge, ol alda budan da tańqalarlyq jańalyqtar kútip turǵanyna senetinin jetkizdi.