Qazaqstan-Qytaı shekarasynda «Baqty-Pokıtý» ótkizý pýnktterinde resmı túrde aýyl sharýashylyǵy ónimin jyldamdatyp ótkizetin «jasyl dáliz» iske qosyldy.

«Jasyl dálizdiń» ashylý saltanatyna QR Qarjy mınıstrligi Kedendik baqylaý komıteti tóraǵasynyń orynbasary Igor Ten men Shyǵys Qazaqstan oblysy ákiminiń orynbasary Nurymbet Saqtaǵanov qatysty.

Búgin biz ashqan «Jasyl dáliz» - alǵa qoıylǵan mindetterge qol jetkizýdegi mańyzdy qadamdardyń biri. Ol kókónister men jemisterdi jedeldetip ótkizýge arnalǵan. Osyndaı maqsatpen «Baqty» kedendik beketinde qaıta qurý júrgizilip, jeke jolaq bólindi.

Oblystyq ákimdiktiń aqparaty boıynsha, SHQO men QHR SHUAA arasyndaǵy taýar aınalymy 560 mln. dollardy quraǵan, onyń 380 mln. dollary eksporttalady jáne 180 mln. dollary ımporttalady.

Qytaıdyń Bas kezendik basqarmasynyń tóraǵasy Hýan Shensán «Pokıtý»- «Baqty» ótkizý pýnkterindegi «Jasyl dáliz» Qytaıdyń irgeles eldermen birlese ashqan alǵashqy dálizi ekendigin habarlady.

SHUAA úkimetiniń ókili qazaqstan-Qytaı shekarasynda 5 ótkizý beketiniń bar ekenin habarlady. «Qazaqstan men Qytaı shekarasynda t»ájirıbe júzinde ashylǵan «Jasyl dálizdiń» syrtqy saıasatta mańyzy zor jáne eki el arasyndaǵy yntymaqtastyqta úlgi bola alady», - dep atap ótti Shı Dagan.

Eske asal keteıik, eki eldiń aýyl sharýashylyǵy ónimderin kedendik baqylaýdan tez ótkizý boıynsha «jasyl dáliz» qurý jóninde kelisimge QHR tóraǵasy Sı Szınpınniń qyrkúıek aıynda QR-ǵa jasaǵan sapary barysynda qol jetti.

«Baqty» baqylaý beketi SHQO-nyń Úrjar aýdanynda oblys ortalyǵy Óskemennen 600 shaqyrym jerde ornalasqan.

Qazaqstan-Qytaı shekarasynda «Jasyl dáliz» saltanatty túrde ashylýy tájirıbe júzinde, mundaı rejımde ol bir aı kóleminde isteıtin bolady.

 Derekkóz: QazAqparat