"95 jastaǵy Mıhaıl Kalashnıkov  sozylmaly uzaq aýrýdan qaza boldy. 17 qarasha kúni Ýdmýrtıı klınıkalyq-dıagnostıkalyq ortalyǵynyń reanımasıa bólimine túsken Kalashnıkovtyń bul jerde emdik sharalar qabyldap jatqandyǵy habarlanǵan bolatyn" deıdi RIA Novostı aqparatyq qyzmetiniń tilshileri.  

Ýdmýrtıı ortalyǵynyń prezıdenti Aleksandr Volkov, qaıǵyly habardy jetkize otyryp, marqumnyń otbasyna kóńil aıtty. Reseıdiń eń bir jarqyn, talantty tulǵasynyń ómirden ozǵanyna ókinish bildirdi.

Ázirshe qarttyń naqty qandaı sebepten qaza tapqandyǵy aıqyndalǵan joq. Dárigerler Kalashnıkovtyń otbasymen birge ólikti soıyp tekserý jóninde keńes qurýda.

Bıylǵy jyly Mıhaıla Kalashnıkov birneshe aýyr ustamaly aýrýdy bastan ótkergen. Jazda dárigerler oǵan «ókpe kúre jol maıda qan tamyrlarynyń tromboembolıasy" degen dıagnoz qoıǵan bolatyn.

Kalashnıkov Mıhaıl Tımofeevıch 1919 jyly 10 qarshada Reseıdiń Altaı óńiri Kýrá selosynda kópbalaly kedeı sharýanyń otbasynda dúnıege kelgen. Ol álemge áıgili "Qalashnıkov" avtomatyn qurastyryp, jer jahanǵa tanylǵan. Sonymen qatar, jappaı óndiriske túsken tanktiń motorly qurylǵysyn jasap shyǵardy.