DSM sanıtarlyq-epıdemıologıalyq baqylaý komıtetiniń tóraǵasy Aıjan Esmagambetova vaksına saldyrǵannan keıin koronavırýs juqtyrǵandar sanyn aıtty. Bul týraly ol ortalyq komýnıkasıalar alańynda ótken brıfıńte málimdedi.

– Búgingi tańda el boıynsha vaksına saldyrǵannan keıin 2212 koronavırýs juqtyrý jaǵdaıy tirkeldi. Sonyń ishinde birinshi komponetten keıin 1308 jaǵdaı, ekinshi komponentten keıin 904 jaǵdaı anyqtaldy

Vaksınalarǵa jiktep aıtsaq, "Spýtnık-V" boıynsha 2024 jaǵdaı anyqtaldy. Birinshi komponent – 1 190, ekinshi komponent – 834. QazVac boıynsha 40 jaǵdaı tirkeldi. Sáıkesinshe, 21 jáne 19. Hayat-Vax boıynsha 140 (89/51) jáne CoronaVac boıynsha 6 adam birinshi dozadan keıin koronavırýs juqtyrǵan. Osynyń bárin qossańyz 2 212 jaǵdaı shyǵady. Biraq bul málimetti absolútti sandar kóleminde qoldaný durys emes dep oılaımyn, – dedi A. Esmaǵambetova.

Onyń aıtýynsha, búginde elde 4 mln-ǵa jýyq adam ekpe alǵan. Sonyń 0,05 paıyzy vaksına saldyrǵannan keıin aýyrǵan.