Qazǵarysh delegasıasy Nıderlandy ǵarysh keńsesiniń shaqyrýy boıynsha, sondaı-aq Nıderlandy Koróldigindegi Qazaqstan Respýblıkasy Elshiliginiń qoldaýymen ǵarysh salasyndaǵy birqatar shaǵyn jáne orta kásiporyndarǵa baryp qaıtty. Qazǵarysh tóraǵasynyń orynbasary M.Moldabekov bastaǵan delegasıasynyń quramyna QR UǴA, «Qazaqstan Ǵarysh Sapary» UK» AQ men «Ulttyq ǵaryshtyq zertteýler men tehnologıalar ortalyǵy» AQ-nyń ókilderi endi. Bul týraly Baq.kz tilshisi habarlaıdy.

Delegasıanyń jumys kestesi asa tyǵyz boldy. Úsh kúnniń ishinde Qazǵarysh ókilderi ISIS, Dutch Space, Cosine Research, SSBV jáne Bradford Engineering qosa alǵanda 8 nıderlandyq kásiporyndy kórip qaıtty. Jumys sapary baǵdarlamasynyń joǵary qarqynyna qaramastan kompanıalarmen potensıaldy yntymaqtastyq baǵyttary boıynsha resmı emes kelisimderge qol jetkizildi. Nıderlandy Koróldiginiń kásiporyndary qazaqstandyq mamandardy ǵylymı zerttemeler, jobalaý jumystary men komersıalyq ónerkásiptik ónimderdi shyǵarý aıasynda qurastyrylatyn óz ónimderimen tanystyrdy. Ǵylymı aqparatpen almasý, qazaqstandyq mamandardyń tájirıbelik stajırovkadan ótý, salynyp jatqan Qurastyrý-synaý kesheninde jasaýǵa josparlanatyn qazaqstandyq ǵarysh apparattary úshin quramdas bólshekterdi deldalsyz jiberý jóninde kelisimder jasaldy. Qazaqstandyq mamandar erekshe ınovasıalyq atmosferany, sonymen qatar Nıderlandy kásiporyndarynyń iskerlik jáne tehnıkalyq ashyqtyǵyn atap ótti.