Shymkent qalasynda jańa oqý jylynda bilim berý uıymdary 17-ge artyp, 785-ke jetti. Bilim mekemelerinde 2021-2022 oqý jyly 350 myńǵa jýyq bilim alýshylarmen bastalǵaly otyr. Balalar sany ótken jylmen salystyrǵanda 8 myńǵa atrqan. Al, 1 synypqa 25 005 bala qabyldanǵan.

Bul týraly bilim basqarmasynyń basshysy Janat Tajıeva aqparattyq-kommýnıkasıalyq ortalyǵynda ótken brıfıńte málimdedi. Basqarma basshysy atalǵan bilim mekemeleriniń 526-sy balabaqsha, 203-i mektep, qalǵan 32-si kolej bolyp tabylatynyn tolyqtyryp ótti.

1-qyrkúıekten bastap dástúrli formatta oqytý josparlanýda. Mektep formasyna qoıylatyn talaptar saqtalady, bul rette mektepke klasıkalyq stıldegi yńǵaıly kıimmen kelýge de ruqsat etiledi. Bilim qory arqyly mektep formasyna bir rettik qarjylaı kómek qaladaǵy 57 466 balaǵa beriledi. 30 myń teńge kólemindegi qarjy ataýly áleýmettik kómek alatyn otbasy balalaryna, ata-anasynyń qamqorlyǵynsyz qalǵan balalar men kóp balaly otbasyǵa jáne basqa sanattaǵy balalarǵa beriletin bolady.

Aıta ketý kerek, Shymkent qalasynyń bilim uıymdary 100 paıyz Ashyq jobasyna qosyldy. Sanıtarlyq-epıdemıologıalyq sharalar jaıyn baıandaǵan bas muǵalim qaladaǵy bilim mekemeleri dástúrli formatta oqytýǵa daıyn ekenine erekshe toqtalyp ótti.

Bilim uıymdarynda kúndelikti termometrıa, kvarstaý, jeldetý, dezınfeksıa jáne maska rejımi saqtalady. Bilim basqarmasyna qarasty 785 bilim uıymdary «Ashyq» jobasyna 100% qosyldy. Pedagogter men tehnıkalyq personaldar 100% vaksınalandy. Medısınalyq qarsy kórsetilimderi bar adamdardy qospaǵanda. Bilim berý uıymdaryna bógde adamdarǵa kirýge tyıym salynady. Bir synyp - bir kabınet talaptary saqtalady.
Aıta keteıik, eger bilim alýshy aýyrǵan jaǵdaıda synyp qashyqtyqtan oqytýǵa jiberiledi. Naýqas jáne baılanysta bolǵan ata-analar jaǵdaıynda balalar qashyqtyqtan bilim alady.