Úshinshi megapolıstegi epıdemıologıalyq jaǵdaı kúrdeli. Ótken táýlikte 410 adam koronavırýs ınfeksıasyn juqtyrǵan. Vaksınasıa-bul COVID-19 pandemıasyn toqtatýdyń jalǵyz joly. Qysqa merzimde neǵurlym kóp adamdar egilse, soǵurlym tezirek tıisti jetistikterge jetemiz,- deıdi dárigerler.

Naýqastardy medısınalyq baqylaý talaptarǵa sáıkes uıymdastyrylǵan jáne júıeli túrde júrgiziledi. Búgingi tańda koronavırýstyq ınfeksıaǵa qarsy egilgen azamattardyń densaýlyq jaǵdaıy qanaǵattanarlyq. №7 qalalyq emhanada birinshi komponentpen 20.000 azamat egilse, ekinshi komponentti 15.700 adam aldy. Dárigerler qoǵamda COVID-ke qarsy vaksına óte tıimdi jumys isteıdi degen túsinik qalyptasýda,- deıdi.

Vaksına barlyq juqpaly aýrýlarǵa qarsy turý quraly retinde óte tıimdi jumys isteıdi. Ár adam onyń mańyzdylyǵyn túsinip, sheshim qabyldaýy kerek. Kún saıyn vaksına salǵysy keletinder sany artyp keledi. Bul turǵyndarǵa vaksına - máseleniń sheshimi ekenin túsinýge múmkindik beredi.

Immýndaý koronavırýspen jáne basqa da juqpaly aýrýlarmen kúreste úlken ról atqarady, deıdi dárigerler. Halyq COVID-pen kúresýdiń jalǵyz ádisi bolyp tabylatyn vaksınanyń mańyzdylyǵyn túsine bastady. Sonymen qatar, vaksınasıa qarqynynyń ósýiniń sebebi vaksınasıany tek medısınalyq mekemelerde ǵana emes, sonymen qatar saýda ortalyqtarynda, qoǵamdyq oryndar men saıabaqtarda da alýǵa bolatyndyǵy boldy. Aıta ketý kerek, №7 qalalyq aýrýhananyń egý kabıneti tańǵy 8-den túngi 10-ǵa deıin jumys isteıdi.

Otbasynda qaıǵy-qasiret bolǵan, aýrýhanaǵa túsken jaqyn adamdardy kórý óte qıyn. Biz óz elimizdiń azamattary retinde óz densaýlyǵymyz úshin ǵana emes, jaqyndarymyzdyń, týystarymyzdyń, kórshilerimizdiń densaýlyǵy úshin de jaýaptymyz. Bul barlyq qazaqstandyqtarǵa qatysty ekenine senimdimin.

Búgingi tańda emhanalarda halyqqa vaksınanyń 5 túri qoljetimdi ekenin atap ótý qajet. Bul Qaraǵandyda shyǵarylatyn reseılik «Spýtnık V», Qazaqstandyq QazVac, Sinopharm kompanıasynyń hayatvax vaksınasy, qytaılyq kompanıasynyń Coronavac vaksınasy jáne Sinopharm kompanıasynyń jaqynda qalaǵa jetkizilgen Vero Cell vaksınasy.