Baqsha daqyldarynyń kóshetterin óńdelgen jáne ashyq topyraqqa otyrǵyzý boıynsha aspaly eki qatarly kóshet otyrǵyzý mashınasynyń konstrýksıasyn engizý jáne kóbeıtý jobasy iske asyrylýda. Onda otandyq rpm-2kz úlgisi qoldanylyp jatyr.

Jobanyń maqsaty – qaladaǵy agroónerkásiptik keshenderdegi fermerlik sharýashylyqtardy iske asyrý úshin RPM-2kz úlgisindegi kóshet otyrǵyzý mashınasynyń ónerkásiptik úlgilerin jáne shaǵyn serıaly óndirisin qurý arqyly kókónis-baqsha daqyldarynyń egis kólemi men túsimdiligin arttyrý.

Shymkent qalasynyń aýyl sharýashylyǵy jáne veterınarıa basqarmasynyń málimetine sáıkes, RPM-2 KZ shaǵyn serıaly óndirisi kókónis-baqsha klasteriniń egis egý jáne otyrǵyzý boıynsha aýyl sharýashylyq mashınalaryna suranysty arttyrýǵa, aýyl sharýashylyq tehnıkalaryn ımporttaýdy almastyrýǵa múmkindik beredi. Sonymen qatar jaldamaly jumysshylar sany men ýaqyt qysqaryp, shyǵyn kólemi azaıatyn bolady.

Kókónis sharýashylyǵynda kóshet otyrǵyzý mashınasyn engizý jáne damytý nátıjesinde kókónis-baqsha sharýashylyǵynda eńbek ónimdiligi 2,5-3 esege artady. Egis alańy eki ese ulǵaıyp, 4-5 myń gektarǵa jetedi dep kútilýde.